Сандалите на Емина Јаховиќ се совршен спој на удобно и шик: Скапи се, ама девојките веднаш ги посакуваат
Пејачката Емина Јаховиќ пронајде пар чевли идеални за крајот на летото и раната есен.
Покрај нејзиниот раскошен талент, пејачката Емина Јаховиќ постојано не воодушевува и со беспрекорното чувство за мода и облекување.
Без разлика дали се работи за стил за црвениот тепих, за на плажа или за опуштено градско издание, пејачката секогаш знае како да го искомбинира совршениот аутфит, со посебно внимание на најмалите детали.
Секој нејзин избор претставува хармоничен спој на софистицираност и удобност, а токму таков е случајот со пар сандали кои таа гордо ги покажа на својот Инстаграм.
Неодамна Емина објави фотографија на која се гледаат само нејзините нозе, односно дел од она што изгледа како стајлинг создаден за топлите августовски денови, но и за претстојните септемвриски денови.
Станува збор за лесни панталони со лежерен крој во земјена нијанса во комбинација со се попопуларните отворени рамни сандали.
Покрај тоа што е удобен и му овозможува на стапалото да дише, овој модел на обувки со амортизирање лесно се комбинира со се и прави секој изглед да зрачи со младешки шик.
Зад уникатниот дизајн на кожените сандали на пејачката стои луксузниот бренд Прада, а нивната моментална цена достигнува неверојатни 990 евра.
Малку подебелиот ѓон создава оптичка илузија и дава висина, додека прилагодливите ремени ги прават овие сандали исклучително практични
Познатите дами ширум светот потполно лудуваат по овој модел, а добрата вест е што речиси истите по многу поповолни цени може да се најдат во многу бутици за брза мода.
Совршени се за летните и есенските денови кои се пред нас и можат подеднакво добро да се комбинираат со фустани, здолништа и панталони.
ФОТО: Инстаграм
