Животна училница // Холивудска прашина

Се верила 5 пати, правела очајнички потези да најде жртва за да се спаси од мизерија: Сега лечи комплекси на јахта вредна 500 милиони долари

  • 15 Август, 2024

Добивај вести на Viber

За Џеф Безос велат дека ја спасил Лорен од мизерија, сепак, фотографиите покажуваат дека тој навистина ужива со својата избраничка

Основачот на Амазон, Џеф Безос и неговата свршеница Лорен Санчез неодамна привлекоа големо медиумско внимание за време на нивниот летен одмор во Италија. Додека уживаа во привлечноста на Медитеранот, посебно внимание привлече поубавата половина на Безос, Лорен. 

Најпознатите „љубовници“ меѓу елитата поминаа незаборавни моменти во друштво на познати личности, меѓу кои актерот Леонардо ди Каприо, манекенката Виторија Серети, пејачката Кети Пери и нејзиниот партнер, актерот Орландо Блум. Овие познати личности заедно ги истражуваа прекрасните пејсажи на Сардинија, а ѕвездената група уживаше во луксуз на импозантната јахта на Безос.

Изградбата на оваа јахта, која стана симбол на префинет луксуз и богатство, чинеше речиси 500 милиони долари, а за нејзиното создавање беа потребни пет години интензивна работа. Бродот е дизајниран да обезбеди максимална удобност и стил, што го прави идеално место за одмор за елитата.


Додека уживаа во јахтата и го истражуваа брегот, Лорен Санчез се истакна со својот елегантен изглед. Таа за оваа пригода избра атрактивен фустан од тантела кој ја истакна нејзината фигура. Фустанот, карактеристичен по неговата мини должина, откри црно бикини одоздола, кое едвај успеваше да ги задржи нејзините облини. Нејзиното издание беше комплетирано со едноставно опавче, додека очилата за сонце и ги штитеа очите од сонцето, правејќи ја вистинска стилска икона. 

Лорен Санчез е родена на 19 декември 1969 година во Ново Мексико и пораснала во скромни околности, во сиромаштија. Сепак, благодарение на нејзината амбиција и упорност, таа станала американска водителка, репортерка и медиумска личност. Велат дека не се смирила додека не фатила богаташ кој требало да ја спаси од нејзината беда. Кариерата ја започнала како асистент во KCOP-TV во Лос Анџелес, а подоцна работела како водител и репортер во Феникс, пред да стане дел од популарната емисија „Екстра“ како репортер.

Нејзиното професионално патување продолжило во Fox Sports Net, каде што заработила уште една номинација за Еми награда како водител и дописник за спортскиот магазин Going Deep. Таа исто така била известувач за врвното спортско шоу на ФСН.

Во 2016 година, Санчез ја основала Black Ops Aviation, првата филмска и продукциска компанија во сопственост на жена. Денес таа се фокусира на филмски и телевизиски проекти кои и овозможуваат да ги користи своите вештини како лиценциран пилот на авион и хеликоптер, што ја потврдува нејзината голема страст кон авијацијата.

Кога станува збор за нејзиниот личен живот, Лорен низ годините поминала низ дури пет свршувачки. Таа го има синот Нико со поранешниот вереник Антонио Гонзалес. Во август 2005 година, се омажи за Патрик Вајтсел, холивудски агент и основач на Ендевор, со кого ги има синот Еван и ќерката Ела.

Лорен е во врска со Џеф Безос три години, а откако милијардерот се разведе од сопругата Мекензи во 2019 година, јавно ја потврди врската со 51-годишната Лорен, со што стана еден од најследените парови во светот на славните.


Фото и Видео: Youtube / „X“

Можеби ќе ве интересира