Сега има 9 деца - Илон Маск тајно добил близнаци со директорка во негова фирма: Која е интелектуалката Шивона Зилис?
фото:profimedia/printscreen youtube
Маск, кој е поборник за донесување повеќе бебиња на светот, сега има девет деца.
Судските документи до кои дојде Инсајдер покажуваат дека технолошкиот магнат Илон Маск тајно добил близнаци минатиот ноември со една од директорките во неговата компанија, Шивона Зилис.
Во април, Маск (51) и Зилис (36) поднесоа петиција за промена на имињата на близнаците „да го имаат презимето на нивниот татко и да го задржат презимето на нивната мајка како дел од нивното средно име“. Наредбата беше одобрена од судија во Остин, Тексас, овој мај.
Близнаците се родени неколку недели пред Маск и Клер Бучер, музичарката која настапува како Грајмс, да го дочекаат своето второ дете преку сурогат во декември.
Маск и Зилис не одговорија на медиумските прашања за коментар.
фото:Profimedia
Шивона Зилис е ѕвезда во подем во империјата на Маск. Родена во Маркам, Онтарио, дипломирала на Јеил во 2008 година со диплома по економија и филозофија, каде што била и голманка во женскиот тим за хокеј на мраз. Откако ја започна својата кариера во IBM, таа се приклучи на фондот за ризичен капитал Блумберг Бета во рана фаза, каде што водеше инвестиции во податоци и машинско учење. Таа беше на листата на Форбс „30 под 30“ во категоријата ризичен капитал во 2015 година.
Шивона го запозна Маск преку нејзината работа со OpenAI, непрофитна организација за истражување и примена на вештачка интелигенција која Маск ја коосноваше во 2015 година. Таа е најмладиот член на одборот на директори на OpenAI. Зилис се пресели во Тесла во 2017 година, каде што беше директор на проектот, применувајќи ја својата експертиза за вештачка интелигенција на тимовите за автопилот и дизајн на чипови. Во моментов работи како директор за операции и специјални проекти за Neuralink, каде што Маск е ко-извршен директор. Таа претходно работеше како проект директор во канцеларијата на генералниот директор. Таа неодамна беше претставена како една од луѓето што Маск може да ги користи за да го води Твитер по неговото купување.
Зилис живеела во Сан Франциско пред да купи дом во Остин во август, околу три месеци пред да се родат близнаците. Веб-страницата за недвижнини проценува дека домот вреди повеќе од 4 милиони долари.
Маск рече дека неговата примарна резиденција е модуларен дом од 50.000 долари во Бока Чика, во близина на постројката за лансирање на SpaceX во Јужен Тексас, но во судските документи Маск и Зилис ја наведоа истата адреса - дом од повеќе милиони долари - во Остин. Маск поминува повеќе време во Остин откако ја отвори новата Гигафабрика на Тесла во Тексас на периферијата на градот.
Зилис споделува многу од интелектуалните страсти на Маск, вклучително и вселенските патувања и, пред сè, вештачката интелигенција. Се чини дека имаат слична смисла за хумор - и двајцата твитнаа дрски референци за омилената криптовалута на Маск, dogecoin. Таа беше жесток бранител на Маск наспроти критиките во неколку наврати.
Маск е најбогатиот човек во светот, со проценета нето вредност од околу 220 милијарди долари. Тој е на чело на четири компании: производителот на електрични возила Тесла, производителот на вселенски летала SpaceX, стартапот за градење тунели The Boring Company и компанијата за интерфејс за имплантирање мозок-машина Neuralink, каде што работи Зилис.
Оваа година ги објави плановите за купување на Твитер за 44 милијарди долари, иако договорот беше одложен поради, како што изјави извршниот директор на Tesla, неколку отворени проблеми. Инсајдер објави во мај дека SpaceX платил на стјуардеса 250.000 долари за да молчи, откако таа тврдела дека Маск отворено ѝ предложил секс.
извор:b92
Може да ви интересира:
Му роди дури пет деца, ја остави за помлада и без скршен денар: Првата сопруга на Илон Маск ја откри неговата темна страна
