Шест работи кои мора да ги направите во недела ако сакате да имате успешна седмица

Многу е тешко да бидете расположени, подготвени и организирани во понеделник наутро, a ова е потребно за успех. Но, верувале или не, промената на вашите животни навики во недела може да ве спаси.

Понеделник навистина не мора да биде најлошиот ден во светот. Исто така, нема потреба да се будите под стрес затоа што не знаете што прво да направите.

Се зависи од вас. Вие избирате дали сакате да се разбудите подоцна, откако ќе го одложите алармот неколку пати, или ќе се разбудите на време и затоа ќе имате здрав појадок.

Ако одлучите да брзате наутро, тогаш однапред сте се осудиле за неуспешниот почеток на работната недела.

За да спречите тоа да се случи, треба да започнете да ги правите овие шест работи во недела за да ја направите вашата недела што е можно полесна.

Погледнете го вашиот календар

Нема ништо полошо од тоа да научите дека имате пет состаноци по ред, точно во раните попладневни часови, а во исто време сте договориле пауза за ручек со пријател на сосема другиот крај од градот. За да не ви се случи ова, погледнете го календарот во недела во кој сте ги внеле состаноците за следните неколку дена. Кога ќе се најдете во ситуација да преиспитате што е веќе на распоредот во следната недела, тоа исто така значи дека сте подготвени да ги решите натрупаните обврски. Исто така, не заборавајте да го пополните времето со добри работи. Мора да имате време да излезете, да одите на чаша вино со пријателите, да го прошетате кучето, да одите на масажа. Лесно е да испланирате сè што треба да направите, но исто така е важно да оставите простор за забава.

Подгответе храна однапред

Се разбира, не мора да го поминете последниот скапоцен ден од викендот во кујната. Но, полесно би ви било да подготвите нешто друго (супа, варено месо) додека го подготвувате неделниот ручек, што ќе ви го олесни подготвувањето оброци во текот на неделата. Сите сме различни. Некои луѓе сакаат да готват еден куп оброци одеднаш, а потоа да ги замрзнуваат. Другите прават план заснован на тоа што е во фрижидерот или оставата, кујната. Некои носат готова храна од продавницата или ја нарачуваат. Направете сè што сакате, но подготвување на уште еден оброк, со добра организација, навистина може да ви заштеди кавга во неделата, така да нема да размислувате што да јадете со сите обврски што ги имате.

Расчистете го станот

Не мислиме на чистење, туку на раскревање, да ги наместите работите кое каде си стои. Секако, би било одлично да го исчистите просторот за живеење за време на викендите, но тоа е обврска што треба да ја префрлите во сабота. Бидете сигурни дека ви останаа само ситниците за оваа недела: фрлање ѓубре, бришење на кујната, огледала во бањата. Вие исто така може да направите ред во вашата чанта и да се ослободите од непотребните работи што се акумулирале во неа во текот на работната недела.

Направете список за понеделник

Веројатно ви се случило сто пати да не знаете од каде да започнете првата половина од работното време, кога ќе дојдете на работа по викендот. За да го избегнете тој непотребен стрес, направете си краток и брз список на планови за понеделник наутро во недела. Напишете го во кратки редови за задачата да не одземе многу време. На тој начин ќе бидете смирени во понеделник. Планот ќе ви помогне да ги поставите приоритетите за да бидете поефикасни на самиот почеток на вашата работна недела.

Легнете рано

Ова ќе ви овозможи да се разбудите целосно одморени во понеделник. Можеби ви звучи како мала работа, но не е така. Сетете се, колку лош понеделник сте имале само затоа што не сте спиеле доволно?! Иако можеби сакате да бидете будни цела ноќ, исклучете ги уредите, исклучете ги светлата, опуштете се и обидете се да заспиете. Кога ќе заспиете на време, вашето тело, ум и дух ќе бидат благодарни на вас. Знаете колку е тешко да ги слушате пријателите, родителите или колегите додека потенцираат и се жалат дека понеделникот е нивниот најлош ден. Не дозволувајте го тоа. Бидете најсреќната личност на планетата во понеделник. Покажете со вашиот пример дека тоа е можно.

Опуштете се целосно

Не оставајте обврски за последниот ден од викендот, бидејќи може да се соочите со сериозно чувство на лутина. Треба да го направите токму спротивното, да ги префрлите повеќето од задачите во сабота, за да можете да ја ослободите неделата и да се посветите на релаксација и ритуали што ве прават среќни. Направете тренинг по јога, читајте книга, јадете здраво, дружете се со пријателите, почестете се со топла бања, направете и ставете маска на лицето, гледајте филм. Сè што правите делува релаксирачки врз вас. Ќе бидете свежи и подготвени за она што ве очекува, па почетокот на неделата ќе ви биде многу полесен.

(Телеграф.рс)