Што се случува во телото по вакцинирање против Ковид-19: Ова треба да го знаете
Некои луѓе сѐ уште не сакаат да се вакцинираат, па затоа не е лошо да се објасни што се случува во телото кога се вакцинирате против „Ковид-19“.
Вакцинацијата и почитувањето на мерките е единствениот начин за ефикасна борба против пандемијата. Сепак, сѐ уште има такви што се противат на вакцинацијата, многу од нив од страв. Така е објаснето подолу што се случува во телото кога се вакцинираме.
Вакцините може да содржат ослабен вирус или може да се направат со нова mRNA технологија која ги учи нашите клетки како да направат протеин што предизвикува имунолошки одговор од телото. И двете верзии имаат за цел да предизвикаат реакција на имунолошкиот систем.
Кога ја примаме вакцината, таа алармира одредени клетки чија задача е да внимаваат на „натрапниците“. Тие го предупредуваат телото за супстанција со која никогаш порано не биле во контакт. Клетките го прават ова со "читање" на генетскиот материјал на вирусот што е инјектиран во телото преку вакцина. Оваа информација се повторува така што имунолошкиот систем може да ја „прочита“ и да реагира.
Зошто некои луѓе имаат несакани ефекти
Повеќето несакани ефекти значат дека имунолошкиот систем реагира на вакцината онака како што треба. Најчестите несакани ефекти се болка и оток на местото на инјектирање, замор, главоболка, треска,температура, гадење и болки во мускулите.
Вакцините го измамуваат имунолошкиот систем мислејќи дека вистински патоген влегол во телото затоа што не може да направи разлика помеѓу вакцина и вистински вирус. Белите крвни клетки потоа брзо го разбиваат вирусот, а антителата го напаѓаат „отпадот“ што се шири наоколу по распаѓањето на вирусот.
Цитокините и хемокините се виновни за заморот што некои може да го почувствуваат по вакцинацијата. Тие ги насочуваат клетките на имунолошкиот систем од други делови на телото до местото на инфекција. Ова може да предизвика оток на лимфните јазли под пазувите.
Зошто да не ја прескокнете втората доза
Ако сте меѓу оние што примиле вакцина што се дава во две дози, има добра причина за ова. Имено, првата доза е дадена за да му помогне на телото да произведе антитела кои го блокираат вирусот САРС-КоВ-2. За жал, заштитата на овие антитела може да трае кратко и затоа се дава втора доза, за да се натера телото да произведе посилна количина на антитела и заштитата да трае подолго.
Втората доза му помага на телото да создаде клетки со долгорочна меморија, како и краткотрајни антитела. Поради ова, некои луѓе имаат посилна реакција по втората доза, телото има посилен и побрз одговор на вирусот, пишува Times of India.
