Сите љубовни бродоломи на познатата актерка од „Очајни домаќинки“: Последниот сопруг ѝ го „украде“ сосетката
Николет Шеридан во последните 40 години го привлекува вниманието на јавноста со приватниот живот, а откако
се разведе од последниот сопруг, тој заврши во прегратките на нејзината позната
сосетка.
Актерката Николет Шеридан е најпозната по улогата на Иди Брит во серијата „Очајни домаќинки“, но актерката вниманието на јавноста повеќе го привлече со приватниот живот отколку со улогите. Таа се појави и како Алексис Карингтон во новите епизоди на култната сапуница „Династија“, а оваа позната русокоса деновиве го слави својот 58 роденден.
Николет е родена во Вортинг, Англија, а нејзината мајка Сали Адамс имала 16 години кога ја родила. Таткото на актерката го напуштил семејството кога таа имала само една година и повеќе не го видела. Нејзината мајка се појавила во едно од продолженијата на филмовите за Џејмс Бонд во 1969 година, а на сетот го запознала Телија Савалас, со кого подоцна се омажила. Николет имала 10 години кога се преселила во Америка, а кариерата ја започнала како тинејџерка.
Таа работеше како модел и красеше бројни насловни страници на списанија, како што е Cosmopolitan. Глумела во реклами, а уште од мала сакала да стане филмска ѕвезда. Нејзината најпозната улога до сега е онаа на „Очајни домаќинки“, за која доби и Златен глобус за најдобра споредна женска улога. Во текот на нејзината кариера често се зборуваше за нејзиниот приватен живот, кој остана причина поради која многумина пишуваат за неа до ден-денес.
Ја интригира јавноста со својот приватен живот повеќе од 40 години, а се започна уште во 70-тите години, кога како 15-годишна ја започна врската со Лајф Герет. Двојката се запознала кога Лиф дошол да земе другарка пред средното училиште. „Веднаш кликнавме. Целата таа врска од самиот почеток беше многу страсна", изјави пејачот. Неколку месеци подоцна, Николет се преселила кај него, а пејачот во тоа време живеел со мајка му и сестра му. Тие беа заедно неколку години, дури и се верија, но врската не траеше.
Шеридан во тоа време веќе беше ѕвезда во подем, и глумеше во неколку серии, а по првата љубов беше фатена во прегратките на уште неколку ѕвезди. Скот Бајо, Џими Ван Патен и Роџер Вилсон се само некои од нив.
Таа го запозна актерот Хари Хамлин на снимањето на серијата и тој беше нејзината следна сериозна врска. Во септември 1991 година застанаа пред олтарот, но само една година подоцна објавија дека се разделуваат. Со децении кружат гласини дека Николет Хари го изневерувала со пејачот Мајкл Болтон, со кој била веднаш по бракот, но таа тоа секогаш го негираше.
Хамлин беше 12 години постар од неа, а актерката често велеше дека разликата во годините е причина за нивниот развод. Таа помина неколку години со Болтон, но тие често се помируваа и се разделуваа. Во 2005 година објавија дека се свршија, а таа тогаш рече дека сака да има дете со него.
„За мене секогаш постоеше само еден маж, а тоа беше Мајкл“, рече таа тогаш.
За жал, една година подоцна и нивната љубов заврши. По музичарот, таа заврши во прегратките на личниот тренер Николас Содерблум, кој по некое време ја запроси, но не се венчаа.
Актерката беше во врска неколку месеци и со актерот Арон Пајперс, а во 2015 година парот се венча на тајна церемонија. Само шест месеци подоцна, нивниот брак влезе во неволја. Веднаш штом поднел барање за развод, Пајперс започнал врска со соседката на актерката Дениз Ричардс. Николет била шокирана кога видела дека неговиот автомобил е паркиран пред нејзината куќа, а ужасно ѝ се налутила на сосетката.
„Ѝ беше непријатно многу, што по неа тој се гледа со Дениз“, велат извори блиски до актерката.
Пајперс и Дениз Ричардс се венчаа пред неколку години, додека Шеридан последните неколку години не сака да зборува за нејзиниот приватен живот. Папараците редовно ги следат нејзините стапки и така беше откриено дека има ново момче, но таа не сакаше да открие повеќе детали за него.
Фото: Профимедиа/ABC Wiki
