Животна училница // Приказни

Според фотките од 70-тите, немало дебели луѓе или тие не оделе на море? Сурова вистина открива зошто сите биле згодни, а денес не е така

  • 26 Мај, 2022

„Покрај храната која беше поздрава, немаше промовирање на дебелината како нешто нормално. Плус-сајз модели и други глупости. Ова е само една во низата осудувачки реакции, кои со прст вперуваат кон модерниот начин на исхрана и живеење, а причината е фотографија направена во седумдесеттите години во едно одморалиште.

Фотографија од луѓе кои се шетаат во костими за капење и летни фустани, со само двајца „облечени“ мажи, кои очигледно биле принудени да носат деловни панталони и кошула, беше тема на дискусија на Твитер што го покрена прашањето - Што се случувало пред50 години, па оваа фотографија повеќе не е иста? Или како што некој сурово се пошегува: „Дебелите не одеа на море во 70-тите“.


Минатата година, д-р Олга Личина, доктор по медицина и клинички нутриционист за žena.rs, раскажа што предизвикало промена на животните навики и дали е вистина дека денес многу повеќе луѓе се борат со килограмите.

- Батут нема најсовремени податоци, но според истражувањето на Светската здравствена организација секој петти се бори со дебелината, а секој трет има проблеми со прекумерната тежина. Забележлив е тренд на зголемување на бројот на луѓе кои се борат со вишокот килограми. Причината поради која нема дебели луѓе на фотографијата е достапноста на храна бидејќи немаше толку многу синџири за брза храна во 1970-тите. Денеска на секој чекор ви е достапна некаква храна – од ресторани, преку пекари, до брза храна, објаснува нутриционистот.

Д-р Олга Личина наведува дека е поразително тоа што се повеќе деца страдаат од дебелина.

- Проблемот започнува веќе во бременоста, а продолжува и по раѓањето на детето. Истражувањата покажаа дека мајките кои не ги дојат децата најчесто страдаат од дебелина. Исто така, потребно е да се земе предвид редоследот по кој се воведува храната на децата и да се избегнува додавање шеќер и сол уште на најрана возраст, додава Олга Личина.

Една од темите што ја покренаа во коментарите на Твитер е - дали промоцијата на плус сајз модели и облини, во исто време даде легитимитет да се смета поголемата тежина како здрав начин на живот.

- Не можеме сите да изгледаме исто, поради различната структура на телото и конституцијата. Но, ако тежината води до здравствени проблеми, тогаш тоа е проблем. Има уште една крајност, луѓето кои прекумерно одат во теретана и користат протеини во прав кои можат да делуваат како добро решение во моментов, но прашање е што ќе се случи со бубрезите и црниот дроб во иднина.

Фотографијата која беше популарна минатата година беше заменета со нова, која исто така е од седумдесетите, со коментар: „Сите беа згодни и здрави во седумдесетите. Што се случи?“.


Доброто е што во последните десет години се поголем број луѓе се заинтересирани за поздрава исхрана и бараат алтернатива за нездравите навики, заклучува д-р Олга Личина.


Фото: Твитер

Можеби ќе ве интересира