Србија е прва земја во Југоисточна Европа што ќе произведува вакцина: Производството стартува во мај

Рускиот фонд за директни инвестиции и Институтот за вирусологија „Торлак“ денеска објавија дека постигнале договор за производство на вакцината „Спутник V“ против коронвирус, што може да започне до мај во погоните во Србија.

Србија на тој начин ќе стане првата земја во Југоисточна Европа што ќе произведува вакцина „Спутник“, која подоцна може да се извезува во други земји во регионот, се вели во соопштението објавено на веб-страницата „Спутник ве“.

Директорот на РДИФ, Кирил Димитријев изрази благодарност до Владата на Србија за постојаната поддршка и доверба во руската вакцина.