Сурови до срж, горди, себични... : Ова се темните страни на хороскопските знаци

Секој од нас има силни и слаби страни. Од астролошка гледна точка, секој хороскопски знак има свои лоши страни, прашање е само дали сте свесни за нив и како се справувате со истите.

Овен

Смиреноста, снаодливоста, интелигенцијата и независноста се особините кои го прават овој знак да е лесно почитуван од околината. Во ситуации кои изгледаат како да нема излез, Овенот брзо ќе најде решение и ќе се залага за себе. Сепак, Овните се и најсебичниот знак. Многу Овни се сметаат себеси за родени шефови, а околината понекогаш ги гледа како диктатори.

Бик

„Не можеш да имаш и овци и пари“ – е стара изрека која многупати сме ја слушнале, но Биковите никогаш не ја прифатиле. Биковите имаат способност да се организираат беспрекорно, но поради тоа лесно ја губат спонтаноста. Биковите сакаат навика и лесно можат да се вознемират доколку нешто не им оди, па поради тоа околината ги гледа како најздодевен знак.

Близнаци

Близнаците се мајстори за сè што ќе допрат. Нивната љубопитност ги прави еден од најинтересните знаци на Зодијакот. Секогаш се забавни во друштво, а нивната харизма е навистина „заразна“. Сепак, на Близнаците тешко им се верува, бидејќи многу лесно ќе ја продадат вашата доверба за едно сочно парче озборување. Тој обично ќе се извлече од тоа благодарение на неговите одлични манипулаторски вештини.

Рак

Романтичниот, емотивен и емпатичен Рак е најдобриот пријател што можете да го имате. Секогаш се подготвени да помогнат, ќе ви бидат рамо за плачење во секое време од денот или ноќта, но животот го гледаат низ розови очила, затоа не барајте совет од нив. Раковите ќе ви понудат помош од сите страни иако вие не сте ја побарале од нив, а тие ќе го бараат истото за возврат. Непријатно прашање за Раковите е: Дали правите добри дела за другите луѓе или за себе?

Лав

Кралскиот знак често може да се постави премногу доминантно. Нивните одлични лидерски способности знаат да излезат од опсегот на доброто лидерство, па околината ги смета донекаде арогантни. Шармантни, интелигентни и рационални, Лавовите знаат да добијат сè што сакаат, а непријатната вистина што треба да ја слушнат е фактот дека не бираат средства за да стигнат до крај.

Девица

Луѓето родени во овој знак се познати по својот перфекционизам. Понекогаш знаат дека претеруваат во желбата се да биде совршено, па знаат дека ја иритираат околината затоа што постојано се жалат на нешто. На пример, колку и да чистат, Девиците чувствуваат дека нивната куќа никогаш не е доволно чиста, а секој успех што го постигнуваат ја зголемува нивната желба за уште поголем успех. Затоа Девиците се „стегнатиот“ знак кој ретко се опушта.

Вага

Вагите се знак на мир и љубов, а познати се и како лажговци. Иако никогаш не лажат од лоши намери, нивната преголема желба да им угодат на другите луѓе е нивната најголема мана. Вагите не сакаат конфликти, па често ќе се прилагодат на другите луѓе и на тој начин ќе го изгубат своето „јас“.

Скорпија

Родените во овој знак се најинтензивниот знак на Зодијакот. Нивната страст, упорност и одлучност се квалитетите кои ги прават сакани и ценети од околината. Сепак, тие се крајно сомнителни и параноични, па тешко им е да воспостават квалитетна и цврста љубовна врска. Скорпиите се знакот кој најчесто ќе ги проверува социјалните мрежи на партнерот и ќе ја доведе во прашање врската поради прекумерна љубомора.

Стрелец

Луѓето родени во овој знак толку многу ја ценат вистината што често со неа можат да ги повредат другите луѓе. На сите им кажуваат што им пречи без влакна на јазикот. Тие се малку вообразени и многу импулсивни, па често забораваат дека нивната слобода завршува таму каде што започнува слободата на другите луѓе.

Јарец

Луѓето родени во овој знак се задржани од нивната немилосрдна амбиција. Поставуваат нереални животни цели, поради што често наидуваат на разочарувања. Амбицијата споена со тврдоглавоста е рецепт за комплициран живот. Јарците треба да научат дека животот не е лесен и дека никој од нас не е совршен. Единственото нешто што ги спречува Јарците да го живеат животот во потполност се моралните правила.

Водолија

Најизразените маани на луѓето родени во овој знак се најлоши за нив самите. Тие се повлечени и имаат тенденција да работат многу што ги спречува да одржуваат врски. Водолиите често имаат проблеми во љубовните и пријателските односи, бидејќи на луѓето им пречи нивното студенило. Луѓето ќе им кажат дека се чудни и тоа ќе го сфатат како комплимент. Непријатната вистина што водолиите треба да ја слушнат е дека животот е поубав кога ќе ги вклучиме нашите срца.

Риба

Рибите во луѓето го гледаат само најдоброто, а наивноста им е главната мана. Емотивни и романтични, тие често сонуваат за утопија која не можат да ја најдат. Рибите се самопожртвувани до степен на мазохизам, па луѓето чувствуваат дека не можат да се потпрат на нив. Непријатната вистина што Рибите треба да ја слушнат е дека животот е полесен кога се сакаме себеси.