Трагично прекината најубавата љубовна приказна: Почина српската каратистка Снежана - вака се сакаа со сопругот Ѓорѓе Пантиќ

Почина српската каратистка Снежана Периќ.

Каратистката Снежана Периќ Пантиќ ја загуби битката со подмолната болест, а зад себе остави ќерка и маж кои најмногу ги сакаше.

Српската каратистката Снежана почина на 44-годишна возраст по тешко боледување и борба со рак на дојка. Таа шест години се бореше со оваа опасна болест, а најголема поддршка ѝ пружаа ќерката и сопругот Ѓорѓе Пантиќ, поранешен голман на Партизан, пишува Глоси.

Пред неколку дена била примена во болница, а и покрај големите напори на лекарот не успеала да ја добие битката на животот.

Таа беше успешна спортистка која дури беше и светски шампион. Откако ѝ бил дијагностициран рак на дојка, таа постојано се борела со помош и поддршка на сопругот и ќерката.

Љубовта на Снежана и Ѓорѓе беше силна како карпа, а тие никогаш не се експонираа во јавност.

- Во време кога многу бракови се распаѓаат и се помалку млади веруваат во љубов, ние двајца уживаме во идилична врска која ја зајакнаа сите проблеми со кои се сретнавме во годините на заедничкиот живот. Сега, кога нашиот живот целосно се стабилизира, а Џоле повторно почна да се занимава професионално со спорт, ги жнееме плодовите на среќата што ја заслужуваме. Не се изневеруваме, не се караме на јавно место, а се повлековме од медиумскиот живот затоа што ни е доволен нашиот мал свет. Најважно ми е што ги имам нив двајца и не ми треба ништо повеќе од тоа. Во моментов не планираме повеќе деца, но ако тоа се случи, сигурна сум дека нашата среќа нема да има крај - изјави еднаш Снежана за Стори.

Двојката се венча во 2006 година во Белград, на интимна церемонија со нивните најмили луѓе.

Во една прилика зборуваа и за тоа како се запознале, а изгледа дека им било судено да станат пар.

-Признавам, имав нереална слика за него. Неколку пати одев на натпреварите на Партизан, се восхитував на неговите одбрани и не ни сонував дека овој човек меѓу трибините еден ден може да ми биде сакан. Разменивме неколку СМС пораки по средбата, се слушнавме неколку пати, но токлку. Потоа и двајцата имавме некои обврски и не се слушнавме речиси еден месец. Се додека не му испратив порака за роденден – изјавила Снежана за „Политика“.

- Пораката ме изненади, а, се сеќавам, тогаш двајцата бевме на припреми. Потоа продолживме да се допишуваме, по подготовките да се видиме, но се беше на пријателско ниво. Се гледавме сè почесто и останувавме заедно подолго и подолго. По еден месец почнавме да живееме заедно. Се разбудивме едно утро и сфативме дека повеќе не сакаме да се разделиме – додал Ѓорѓе.

- Сè ни се случи некако брзо, за релативно кратко време се зближивме како да се познаваме сто години. Секогаш сме заедно, сите проблеми ги решаваме заедно, Џоле ми помага дома. Тој е најдобриот човек што го познавам, секако дека го сакам најмногу на светот. Се заљубив во неговите очи, неговото срце и неговата душа. Тој е голем човек, шармантен човек и затоа ги разбирам тие силни девојки кои се заљубиле во него. Не можат да го сакаат само оние кои не го познаваат - изјави тогаш Снежана.