Три феноменални празнични предјадења: Ќе ве воодушеват и по изглед и по вкус

Добивај вести на Viber

Ви пренесуваме рецепти за три феноменални празнични предјадења, кои ќе воодушеват и по изглед и по вкус!

Шарен ролат

За подготовка на овој шарен ролат потребно е:

-1 лист обланда

-200 гр крем сирење

-2 кисели павлаки

-100 гр мајонез

-200 гр печеница или сланина

-4 моркови

-150 гр зелени маслинки

-150 гр сирење

Начин на подготовка: Сварете го морковот, па ситно исечкајте го. И печеницата и маслинките исечкајте ги ситно. Измешајте го сирењето, павлаката и мајонезот, па со оваа смеса премачкајте ја обландата. Посипете со сецкан морков, печеница, маслинки и рендано сирење. Почекајте околу десет минути да омекне обландата, па завиткајте ја во ролат и оставете ја во фрижидер добро да се стегне. Потоа сечете го ролатот на парчиња и сервирајте го.

Обланда со кикирики

Потребно е:

-250 гр маргарин или путер

-400 гр масно кравјо сирење

-200 гр мајонез

-3 листови обланда

-300 гр шунка

-200 мл кисела павлака

-200 гр кикирики

Начин на подготовка: Измешајтефил од путерот, сирењето и мајонезот. Со него премачкајте една обланда. Одозгора наредете ги листовите шунка, па премачкајте ги со павлаката и посипете ги со сечканите кикирики. Ставете уште една обланда и повторете ја постапката. Покријте со трета обланда, премачкајте ја со филот и посипете со кикирики.

Ајвар триаголници

Потребно е:

-300 гр туна

-300 гр крекери

-200 гр путер или маргарин

-400 мл грчки јогурт

-8 варени јајца

-4 листови обланда

-300 гр ајвар

Начин на подготовка: Искршете ги крекерите и прелијте ги со јогурт. Додадете омекнат путер, исцедена туна и сè добро измешајте. Листот обланда премачкајте го со филотод крекери, па премачкајте го со ајвар, па посипете со две сечкани, варени јајца. Ставете уште еден лист обланда, па повторете ја постапката и така додека не го потрошите целиот материјал. Оставете ја обландата во фрижидер преку ноќ да се стегне добро.

Бон апетит!

Фото: Shutterstock