УНИБанка успешно го одржа четвртиот тениски турнир „UNIBank Invitational 2024„
Со голема посетеност, вредни награди и одлична забава во саботата на 18-ти мај беше затворен четвртиот по ред тениски турнир, организиран од УНИБанка во соработка со тенискиот клуб Мондано АБЦ.
Преку градење релации со клиентите и вреднување на нивната лојалност, УНИБанка ја оствари целта и ја оправда укажаната доверба што и ја даваат клиентите.
Тенискиот турнир стана традиционален спортски настан преку кој Банката негува силни врски со клиентите.
Пред бројната публика настапија аматери, рекреативци, партнери, клиенти и вработени во банката. Натпреварите ги следеа и официјални судии и делегат кој се погрижи за регуларноста.
Турнирот со натпреварувачки карактер беше отворен на 13-ти мај, а во одличната атмосфера пред повеќе од 200 присутни клиенти се следеа финалните мечеви каде што беа доделени подароци за полуфиналистите како и главните награди - инвестициско злато.
Меѓу жените најдобар успех покажа Росана Милкова. Таа ја совлада Лидија Нануш и ја понесе првата награда - инвестициско злато од 5 гр. Банката ја награди финалистката Нануш со инвестициско злато од 2 гр.
Машкото финале беше одличен меч. Во конкуренција од 31 наптреварувач, Коча Бошку беше награден со инвестициско злато од 5 гр, кој успеа да го совлада Кристијан Карапанчевски, награден со инвестициско злато од 2 гр.
Со овие спортски денови покажавме дека Банката се грижи за своите клиенти преку дружење надвор од строгите деловни рамки, а посветеноста, врвната услуга и цврстото верување во брендот остануваат трајна определба на Банката.
ПР објава
