УТИ и улогата на пробиотиците во нивниот третман

Инфекциите на уринарниот тракт се извор на непријатност и грижа за многу пациенти особено жени. УТИ се еден од најчестите видови на бактериски инфекции опишани од страна на здравствените професионалци. Тие се јавуваат кога таканаречените „лоши“ бактерии, најчесто E. coli, предизвикуваат инфекциии на уринарниот тракт. Инфекции можат да се случат во бубрезите, или долниот уринарен тракт (мочниот меур). Оние на мочниот меур се викаат циститис.

Жените се подложни на циститис бидејќи уретрата кај нив е долга само 4 см, така што тоа представува кратко растојание за „лошите“ бактерии да стигнат до мочниот меур. Тие патуваат од ректумот, асцендентно преку уретрата во мочниот меур.

„Лоши“ бактерии се секогаш присутни во генитоуринарниот тракт, но инфекции се предизвикуваат кога настануваат следниве промени:

·  Хормонски промени

·  Зачестена сексуална активност

·  Нерамнотежа на добри и лоши бактерии во гениталниот регион

·  Бременоста може да биде причина бидејќи се менува позицијата на уретрата

Знаци и симптоми на УТИ  вклучуваат:

* Често мокрење, на секои 20 минути

* Лош мирис на урината

* Заматена урина

* Пржење и болка при мокрење

* Треска и болкаво долниот дел на грбот, обично кога се инволвирани бубрезите

Пробиотиците се дефинирани како живи микроорганизми или „добри“ бубачки кои кога се земаат од страна на домаќинот даваат здравствен бенефит. Живи бактерии природно се наѓаат не само во цревата, но, исто така, и во генитоуринарниот тракт. Постојат студии кои укажуваат на заштитната улога на таканаречените „добри“ бактерии кои може да играат улога во спречување на инфекциите на уринарниот тракт.

Специфични видови на бактерии кои најчесто се среќаваат во генитоуринарниот систем се смета дека влијаат на спречување на инфекции на УТ на следниов начин:

1.  Производство на супстанции кои го спречуваат лепењето / адхезија / на Ecoli и други патогенина клеточната мембрана

2.  Намалување на воспалението преку имунолошкиот систем

3.  Произведуваат муцин, кои дејствувакако бариера за таканаречените „лоши“ бактерии заштитувајќи ја непосредната околина

Студиите укажуваат дека кај жените кои страдаат од инфекции на уринарниот тракт, присуството на повеќе „добри“ бактерии во генитоуринарниот област може да доведе до помалку УТИ.

Се смета дека присуството на малаконцентрација на „добри“ бактерии во оваа област, им овозможуваат на „лошите бактерии“ полесно да се колонизираат и да се префрлат од дебелото црево / ректумот на уретрата и мочниот меур, а одтука кон горниот уринарен тракт.

Д-р Илија Келепуровски, специјалист по урологија

* ПР - објава

фото: freepik.com