Вежби од Синди Крафорд кои го обликуваат телото
,,Некогашните вежби што ни ги покажуваше Синди,би можеле да ги примениме и денес, и воедно имаат големо влијание врз изгледот на нашето тело.''
Во 90-тите години, легендарниот супермодел Синди Крафорд објави неколку видеа со вежби кои и помагаа да остане во топ форма, а воедно постигнаа и неверојатен успех ширум светот. Речиси и да немаше млада девојка во 90-тите,а да не беше заразена со овие вежби. Таа успеа да активира голема маса на луѓе да ги применува нејзините вежби, кои веруваме дека и до ден денес се омилени на многу генерации. Добрата вест за сите почетници, е дека вежбите се едноставни и не ви е потребна дополнителна опрема, освен мека подлога на која ќе лежите.
Некогашните вежби што ни ги покажуваше Синди,би можеле да ги примениме и денес, и воедно имаат големо влијание врз изгледот на нашето тело.
1.Исчекор
Едноставна и ефективна вежба со која сме запознаени сите. Направете десет повторувања за секоја нога, а севкупно 20.
2.Squats или познатото седење на столче
Стапалата треба да се во ширина со рамената а вашите раце на струкот. За да ви биде оваа вежба полесна, треба да си замислите дека седите на столче. Направете десет повторувања, а потоа и десет исчекори.
3. Squats со споени стапала
За последната вежба со squats треба да ги споите стапалата, а рацете да ги испружите пред себе. Повторете ја оваа вежба десет пати, а по неа, направете и десет исчекорувања.
4. Нецелосни склекови
Легнете на стомак, а дланките спуштете ги рамномерно со рамењата. Полека се подигате до пола, а потоа спуштајте се до подлогата. Направете два сета со по десет повторувања.
5. Кратки стомачни (за активирање на горните стомачни мускули) Легнете на грб и свиткајте ги колениците, а рацете ставете ги одзади главата. Подигнете го горниот дел од телото 20 пати, додека долниот дел од кичмата ви е залепен за подот.
6.Целосни стомачни
Како и во претходната вежба,легнете на грб и свиткајте ги колената. Подигнете го целото торзо до колена. Направете еден сет од по 20 повторувања.
7. Странични стомачни
Бидете во истата позиција како во претходната вежба, со тоа што вашата лева нога ќе ја ставите на десната, како што е прикажано на сликата. Рацете ставете ги зад глава. Додека се подигате, полека движете се така што со левиот лакт ќе го допрете десното колено. Повторете ја оваа вежба 20 пати, а потоа направете ја истата вежба, но со различна нога.
8. Стомачни со подигање на нозете
Оваа вежба е одлична за долниот стомак, па така легнете на грб, а вашите рацете спуштете ги покрај вашето тело. Подигајте ги вашите нозе и задник 20 пати.
Со балансирана исхрана и редовно вежбање на овие неколку вежби, за кратко време би можеле да ја постигнете посакуваната форма на вашето тело.
