vivo го лансира Funtouch OS 13 базиран на Android 13

Надградениот оперативен систем носи нови опции за персонализација, безбедносни надградби и повеќе функции за полесно и непречено искуство при негово користење

vivo официјално го лансираше новиот Funtouch OS 13 за потрошувачите во Европа. Врз основа на новоиздадениот Android 13, овој надграден оперативен систем ја комбинира вредноста на дизајнот на vivo со нови и подобрени опции за персонализација, надградена приватност и безбедност, како и нови контролни функции за понепречено корисничко искуство. vivo се обидува да ги поттикне потрошувачите да ја изразат својата креативност и уникатност преку нивните уреди. 

Додавање персонализација на допирот на екранот

Funtouch OS 13 им овозможува на потрошувачите поголема визуелна контрола на екранот. Со функцијата за монохроматски икони, овој оперативен систем може да ја менува бојата на иконите на нивниот почетен екран за да одговараат на нивните теми и интерфејси на апликациите, отклучувајќи ја нивната креативност и самоизразување.

Покрај тоа, новиот систем им овозможува на потрошувачите да ги приспособат боите на интерфејсот на нивниот систем и вградените апликации, вклучувајќи ги нивните панели за известување, контрола на јачината на звукот, калкулатор и часовник. Системот може да ја користи бојата од претпочитаната позадина и темата на потрошувачите за да ја одреди соодветната нијанса на боја, применувајќи ја на интерфејсот на апликацијата за да го трансформира уредот со поличен изглед и чувство. 

Понатамошна заштита и безбедност

Новата функција за прикачување(app pinning) помага да се задржат безбедни чувствителни податоци, обезбедувајќи им на потрошувачите поголем мир во однос на нивната безбедност и приватност. Кога друго лице го користи уредот, функцијата за прикачување на две нивоа ја задржува избраната апликација и го спречува пристапот до други апликации на уредот. Оваа функција овозможува поголема флексибилност, дозволувајќи му на сопственикот да поставува параметри и да ги контролира дозволените дејства во рамките на закачената апликација кога други луѓе го користат уредот.

Ова ажурирање, исто така, им овозможува на потрошувачите да сокријат фотографии и видеа, како и селективно да избираат пристап на различни апликации до одредени фотографии, со што се спречува несаканото гледање на нивните уреди и дополнително се подобрува заштитата на приватноста. Подобрени контроли и лесни за користење функции за да се обезбеди поголема удобност

За да се создаде порационализирано искуство за vivo потрошувачите, Funtouch OS 13 исто така има подобрено управување со апликациите, iManager, кој конкретно може да помогне да се следи времето на користење на апликацијата. Ако користењето на процесорот е превисоко, потрошувачите можат да ја исклучат таа апликација со еден допир. iManager исто така може да спречи прегревање со намалување на бројот на активни апликации и прилагодување на фреквенцијата на процесорот врз основа на функцијата за ладење на телефонот. 

Покрај ажурирањата за временските услови, контролната табла има и AQI картичка за потрошувачи кои се свесни за здравјето, кои сакаат веднаш да ги проверат најновите информации за квалитетот на воздухот со детален PM2.5 индекс на располагање.

Со добро познатото искуство со премиум мобилна фотографија на vivo, треба да се очекуваат нови надградби на фотографии и видео. Професионалниот визир го олеснува фотографирањето со новиот прстен за стабилизација што помага да се ублажат ефектите од растреперените раце.

Новиот оперативен систем, исто така, го усоврши процесот на уредување видео, овозможувајќи им на корисниците да го исклучат звукот на видеото додека ја уредуваат снимката, па дури и да прават прецизни прилагодувања на јачината на звукот на секој сегмент од видеото, помагајќи во создавањето на видеа од професионален степен.

Во однос на контролите за пристапност, направени се подобрувања со корекција на бои и инверзија, како и опција за отстранување на анимации за корисници со специфични потреби, како што се оштетен вид.

На почетокот на месец ноември Funtouch OS 13 ќe е достапен кај паметниот телефон  X80 Pro, а vivo постепено ќе го донесе Funtouch OS 13 на повеќе корисници ширум светот со најиновативните искуства досега. 

За vivo

vivo е технолошка компанија која создава врвни производи засновани на вредност водена од дизајнот, со главен фокус на паметните уреди и интелигентните услуги. Компанијата има цел да изгради мост помеѓу луѓето и дигиталниот свет. Преку уникатната креативност, vivo им овозможува на корисниците сè поудобен мобилен и дигитален живот. Следејќи ги основните вредности на компанијата кои вклучуваат Benfen*, со фокус на дизајн и корисничко искуство, како и континуирано учење и тимски дух, vivo имплементира стратегија за одржлив развој со визија да прерасне во поздрава и поодржлива корпорација од светска класа.

Здружувајќи ги и развивајќи ги најдобрите таленти за да испорача извонреден квалитет, vivo е поддржан од мрежа центри за истражување и развој во Шенжен, Донгуан, Нанџинг, Пекинг, Хангжу, Шангај и Ксиан, фокусирајќи се на развојот на најсовремените потрошувачки технологии, вклучително 5G, вештачка интелигенција, индустриски дизајн, систем за фотографирање и други нови технологии. vivo, исто така, воспостави интелигентна производствена мрежа (вклучувајќи ги и оние овластени од vivo), со годишен производствен капацитет од речиси 200 милиони паметни телефони. Досега, vivo ја разграни својата продажна мрежа во повеќе од 70 земји и региони и стана посакуван бренд кај повеќе од 400 милиони корисници ширум светот.

*„Бенфен“ - термин што го објаснува ставот да се сработат вистинските работи на вистински начин – што е најдобар опис на мисијата на vivo да создаде нова вредност за општеството.

Повеќе информации и најновите вести на vivo дознајте ги на: https://www.vivo.com/mk/about-vivo/news

ПР објава