„Вози право, вози здраво“ Vol.4 (недела 03.06.2018 од 10-12 часот)
Четвртото по ред издание на општествено одговорниот настан на Стопанска банка АД - Скопје #ВозиПравоВозиЗдраво повторно ги обединува љубителите на тркала да земат учество во ревијална трка по улиците во центарот на Скопје ослободени од вообичаениот сообраќаен метеж, со цел подигнување на свеста за позитивните ефекти од користењето на овие чисти транспортни средства.
На ревијалната трка учество ќе земат над 5.000 наши сограѓани кои се регистрирани во една од категориите: велосипеди, детска трка, ролерки/тротинет/скирол или родители со бебе количка.
Со цел обезбедување на максимална заштита на учесниците, согласно законските прописи во недела, на 03.06.2018 од 11 до 12 часот ќе биде воспоставен посебен сообраќаен режим долж патеката за ревијалната трка во центарот на Скопје (од Порта Македонија до Градски парк преку Димитрије Чуповски, Даме Груев и Илинденска). Дополнително, потегот од Собрание до Рекорд ќе биде затворен од 10часот поради поставување на учесниците на стартната позиција на Порта Македонија.
Мапата на патеката е дадена во прилог а сообраќајните знаци и претставници на сообраќајната полиција ќе го пренасочуваат сообраќајот согласно изработениот проект.
На сите учесници во сообраќајот им благодариме за разбирањето, поддршката и трпението.
