За барањето на оваа свекрва зборува цел свет: Синот ѝ починал, а таа сакала да биде баба по секоја цена

И покрај трагедијата што ја преживеала нејзината снаа, свекрвата изразила желба по секоја цена да стане баба

Жената чиј сопруг починал од рак останала шокирана кога добила необично барање од неговите родители - да им ја пренесе сопственоста на неговата сперма.

Во почетокот, парот верувал дека тој ќе се опорави од болеста, па решиле да замрзнат неколку примероци од неговата сперма. На тој начин, дури и по хемотерапијата што ја уништува плодноста, тие сè уште ќе имаат шанса да создадат заедничко семејство - но за нејзина жал, тоа не било така бидејќи третманот не успеал и тој починал.

Кога неговата сопруга добила телефонски повик од неговите родители само неколку недели по неговата смрт, таа помислила дека тие можеби планираат да споделат спомени за нивниот сакан, па дури и да понудат поддршка. Последното нешто што таа го очекувала е дека ќе бараат сперма од покојникот за да го одгледуваат неговото дете.

- Неговите родители ме прашаа дали размислувам да одам на вештачко оплодување, на што јас реков не. Потоа ме прашаа дали можам да им ја префрлам сопственоста на спермата, за да можат да ја искористат за раѓање на внуче. Претпоставувам дека планираат да ангажираат сурогат за ова, но признавам дека бев толку изненадена и збунета што всушност не прашав ништо“, откри таа во објавата на Reddit.

Таа продолжила дека целта на нејзиниот сопруг со замрзнувањето на спермата била да основа семејство со неговата сопруга, а неговата ДНК да живее во некој друг.

Парот, кој се надевал дека ќе го одгледа своето внуче и покрај фактот дека ќе бидат во осумдесеттите додека да порасне, биле бесни кога таа рекла не.

- Тие тагуваат, а јас им ја ускратувам можноста да имаат внуци. Но, се чини дека тие само сакаат нивната крвна линија да продолжи без разумно размислување за тоа, објасни таа.

Некои луѓе на Редит шпекулираа дека неговите родители би можеле да ја тужат бидејќи таа одбила да им го предаде генетскиот материјал на нивниот син, додека други исто така биле шокирани и изразиле сочувство.

- Твојот сопруг го нема неполни две недели, а тие веќе кружат како мршојадци - се вели во еден коментар. Друг предложил „веднаш“ да се уништат сперматозоидите, додека третиот додал дека раѓањето во такви околности гарантира дека детето ќе има потреба од терапија, пишува „Сан“.

фото: илустрација фрипик