Заборавете сѐ што знаевте за балетанките-повторно ги освојуваат европските градови + вака ќе ги носиме оваа пролет - ФОТО
Насловно фото: Instagram / keziacook
Ги сакале или не, едно е сигурно: балетанките се вратија во полн сјај и тука се да останат...
Балетанките повторно се меѓу главните хероини на уличната мода, но овој пат доаѓаат со став. Некогаш симбол на класичната, речиси срамежлива женственост, денес овој модел на чевли се претвори во вистинска модна алатка која може да носи минимализам, бунт и елеганција.
Сепак, како да ги вклопите без да изгледаат предвидливо или – уште полошо – досадно? Клучот е да се комбинира неочекуваното со познатото, и секако, деталите што ја раскажуваат приказната.
Заборавете на балетанки и тесни фармерки - таа ера заврши. Денеска ги носиме со широки панталони со висок струк, плисирани здолништа кои се движат со секој чекор или дури и со предимензиониран блејзер и бермуди.
Рамнотежата помеѓу едноставноста на балетанките и останатиот аутфит го дава тој „се трудеше, но не премногу“ ефект што сите го сакаме.
Покрај тоа, овој начин на комбинирање ни овозможува постојано да го задржиме чувството на удобност и леснотија, што е исто така многу важен момент. Затоа што ако се чувствуваме непријатно во облеката што ја носиме, тоа често е забележливо и автоматски го расипува целокупното искуство.
Кожните балетанки со метални детали совршено се комбинираат со кожени јакни или карго панталони, додека сатенските или лакираните верзии покануваат здолништа со текстура или фустани што ја следат линијата на телото.
Огромна улога играат додатоците – чорапи со принт, интересни ремени, чанти со необични форми.
Сè што го одвојува стилот од просечноста. И не, балетанките не мора да бидат беж или црни. Играјте со боите – зелена лимета, пастелно сина, металик сребрена – сè оди во овој момент, сè додека одговара на вашиот личен моден идентитет.
ФОТО: Pinterest
