Жена (26) од Виетнам преку ноќ остаре за 50 години! Вака изгледала пред мистериозната болест - на следната слика е старица: „Ова го јадев и телото почна да ми пропаѓа“

Добивај вести на Viber

Случајот на жената по име Нгуен Ти Пуонг од Виетнам беше голем шок и за лекарите и за јавноста. Имала 26 години кога остарела „преку ноќ“. Според неа, причината била екстремна алергија на морска храна. Што велат експертите?

На едната слика има 26 години, а на другата изгледа како да е пет децении постара, иако разликата меѓу фотографиите била многу помала. Нгуен Ти Пуонг остаре за неколку дена.

Што предизвика забрзано стареење?

Нгуен Ти Пуонг во 2008 година изјави дека лицето и отело, а кожата и се олабавила, но дека нејзиниот сопруг и таа немаат пари за лекарски преглед. Сликите кои покажаа што се случи со неа ги шокирало луѓето ширум светот. Откако приказната стигна до јавноста, лекарите понудија бесплатна помош.

„Пред пет години бев прилично убава, не толку грда, нели“, покажувајќи фотографија од нејзината венчавка во 2006 година, кога имала 21 година. Нејзиниот сопруг, кој работел како столар, ги потврдил нејзините зборови и истакнал дека необичните низа на настани не влијаеле на неговата љубов кон сопругата.

Оваа жена од Виетнам рекла дека цел живот била алергична на морска храна, но дека во 2008 година ја имала најтешката реакција.

„Целото тело ме чешаше, морав да се гребам дури и додека спиев“, вели Нгуен, која се обратила до лекарите за помош да го запре стареењето.

Како што рекла, лекот што го купила го земала во локална аптека бидејќи тоа е единственото нешто што можела да си го дозволи.

„По еден месец од земањето на тие лекови, чешањето беше помало, но црвенилото кое ми се појави остана на мојата кожа. Потоа се префрлив на традиционална медицина и црвенилото исчезна, а исто така и чешањето. Меѓутоа, кожата почна да се опушта и да се збрчкува", раскажала таа.

Почнала да користи методи на друг тип на традиционална медицина за да го реши проблемот со брзо стареење на кожата, но немало спас.

View this post on Instagram

A post shared by Jerry Science (@jerryscience)

Лекарите рекле дека нејзината состојба е предизвикана од долготрајната употреба на традиционални лекови бидејќи често се збогатени со кортикостероиди. Овие стероиди го забрзуваат дејството на лековите чија употреба не е регулирана, но можат да предизвикаат и ретката кожна болест мастоцитоза, кога телото има премногу мастоцити, пишува Daily Mail.

За појаснување, мастоцитозата е ретко клонално неопластично заболување на мастоцитите предизвикано од малигнен раст и акумулација на мастоцити во едно или повеќе ткива и органи. Мастоцитите се големи скитници на сврзното ткиво, кои потекнуваат од коскената срцевина и крвта и стигнуваат до сврзното ткиво.

Ниту таа, ниту нејзиниот сопруг не можеле да кажат каков лек користела, ниту името на аптеката од каде го добиле лекот, пишува британскиот весник.

„Мислевме дека тоа е наша судбина и го прекинав лекувањето, сега носам маска за лице секогаш кога излегувам. Кожата на моето лице, стомакот и градите е набрана како кај старите жени, која неколку пати се породувала, а јас немам дете. Синдромот на брзо стареење не влијаеше на мојот менструален циклус, косата, забите, очите и мозокот.

Нгуен се преселила со сопругот и започнале нов живот - тој продолжил да работи како столар, таа се вработила во фабрика за преработка на ореви.

„Се омажив за неа кога беше убава жена. Ја следев низ нејзината болест и никогаш не бев шокиран. Не е лесно да се зборува за мојот брак, едноставно - сè уште ја сакам", рекол нејзиниот сопруг, а таа додала дека благодарение на него има поголема самодоверба за животот и работата.

Тие истакнаа дека не планираат да имаат деца, туку дека сакаат таа да има само „нормален“ лик.

Лекарите за мистериозен случај

Лекарите различно го толкуваа овој случај. „Таа можеби земала кортикостероиди долго време. Многу традиционални фармацевти го користат во нивните лекови, што доведува до несакани ефекти како отечено лице и ненормално растечки области на кожата", вели професорот Во Ти Бах Суонг од Медицинскиот универзитет HCMC и Фармација, и еден негов колега.

Сепак, д-р Хиунх Хиу Хоанг од HCMC Dermatology Hospital се сомневаше во оваа дијагноза.

„Тоа е навистина чудно. Првпат слушам за таков случај на забрзано стареење кај возрасен. Тоа не е синдром на липодистрофија. Сепак, стареењето не е вообичаен знак ниту за Кушингов синдром“.

Кушингов синдром (хиперкортизолизам) е предизвикан од прекумерно лачење на хормонот кортизол, кој се синтетизира во надбубрежните жлезди. Овој хормон е одговорен за регулирање на голем број важни процеси во телото: регулирање на крвниот притисок, имунолошки одговор на инфекции, претворање на јаглени хидрати, масти и протеини во енергија, регулирање на ефектите на инсулинот врз телото и одговор на телото на стрес.

Д-р Јен Лам Фук од Виетнамската Воено-медицинска академија додаде дека можеби станува збор за нов синдром.

Како што објави Дејли Мејл, немало лек за необичната состојба, но постојат лекови кои помагаат во лекувањето на симптомите. Лекарите нагласија дека Нгуен треба прво да се лекува од алергии. Лекарите планирале да и вратат 50 до 70 отсто од кожата во претходната состојба, како и да ги намалат брчките со ласер.

Нгујен починала во август 2015 година на 30-годишна возраст, изјави нејзиниот сопруг. Според vietnamnet.vn, таа имала некои стомачни проблеми, ослабела откако страдала од несоница и варење на храната.