Зошто Бог „испраќа“ несреќи на добрите луѓе? Ангел на тажниот монах му го даде овој одговор

Според легендата, ангел му објаснил на монах зошто се случуваат трагедии, зла и несреќи во светот, и дал одговор на познатото прашање „Зошто Бог го дозволува сето ова“.

Се верува дека ова е вистинска приказна, а еве како сето тоа изгледало:

„Еден монах веќе не знаеше што да прави, бидејќи не беше во состојба да ги разбере сите Божји одлуки - смрт на деца, кражби, болести, другите постапки на луѓето…

Во својата беспомошност му се појавил ангел, а тој му ја раскажал својата мака и го замолил да му објасни зошто на некои луѓе им се случуваат грди работи, иако тие не го заслужуваат тоа. За подобро да му објасни дека не треба секогаш да се труди да разбере зошто Бог им дава различни судбини на различни луѓе, тој го испратил на патување. И така монахот тргнал.

На пат сретнал друг монах. Тие тргнале кон истото место, но за да не зборуваат глупости, се обврзале на завет на молчење, додека не стигнат до целта. По некое време, тие застанале кај богата куќа за да побараат место за престој. Влегле, и биле примени од домаќините кои имале мало дете. Но, другиот монах го заклал малото дете и тие си заминале.

Монахот бил зачуден од неверојатната постапка на другиот монах, но поради заветот на молчење на кој биле посветени, тој не рекол ништо. Следната ноќ, тие биле примени во пансионот на сиромашно семејство, но биле угостени домаќински, семејството извадило на маса се‘ што имаат и им го понудиле на монасите.

Имале само една вредна работа во куќата - скап сад. Другиот монах го украл садот во текот на ноќта и го фрлил во реката. Монахот повторно се разочарал, но поради заветот на тишина, повторно ништо не кажал. Продолжиле по својот пат, кога нашле на урнатини на стара црква. Другиот монах нашол камења и почнал да ги фрла кон светилиштето.

И ова не му било јасно на монахот, но почитувајќи го заветот, ги задржал мислите за себе. Конечно, двајцата монаси пристигнале на нивната дестинација. Заветот за тишина престанал да важи и монахот рекол:

„Каков монах си ти?!  Зошто ги направи сите тие злосторства? Уби мало дете! Од сиромашните им го украде единственото вредно нешто што го имаа!“ Во тој момент, наместо чудниот монах, се појавил ангелот со кого монахот разговараше и почна да објаснува:

„Тоа мало дете ќе порасне и ќе ги убие своите родители, и нивните невини души ќе страдаат за тоа пред Божјиот двор. Тоа семејство имаше една вредна работа, но им беше украдена. Уништувајќи го, отстранив дел од гревот од нив.

И не, јас не го мавав со камења светилиштето - ги стрелав ѓаволите кои играа во круг над него, радувајќи се што е срушено. Можеби сега ти е појасно зошто не ја разбираш секоја Божја одлука и зошто не треба да ја доведувате во прашање - на луѓето не им е дозволено да знаат и да видат се‘ со Божји очи “, објасни ангелот.

Фото: PIXABAY