ВИДЕО: Пет нови серии поради кои ќе го обожаваме овој ноември

Не знаеме што имавте во план во текот на ноември 2017, но ние имаме сјајни серии кои ќе ви бидат одлична занимација во текот на врнежливите денови. Ноември веќе неколку години наназад докажува дека е топ месец за премиери на нови филмови и серии доколку сите овие серии ги изгледавте и трагате за некоја нова, ова е статија за вас. Alias Grace (стартуваше на 3 ноември) https://www.youtube.com/watch?v=A-fofQ9VpPQ По успехот на серијата The Handmaid’s Tale, која е направена според истоимениот роман на Маргарет Атвуд оваа година не чека премиерата на новата серија која се базира на делото на познатата писателка. За разлика од „слугинката“ новата серија нема во фокусот дистописка иднина, туку минато. Lady Dynamite (стартува на 10 ноември) https://www.youtube.com/watch?v=1gSxKR0Cirs Комичарката Марија Бамфорд се враќа на малите екрани во полу-автобиографска приказна Lady Dynamite. Во првата сезона, ја следевме како Бамфорд се носи со ментална болест и притисоци околу снимањето. Во втората сезона, Мариа се обидува да балансира меѓу работата, пријателските и партнерски врски, и комплексни продукциски договори, состаноци и средби. Mudbound (стартува на 17. ноември) https://www.youtube.com/watch?v=KZ5gjUTQKOk Овој мулти-генерациски тв филм за две семејства е екранизација на истоимениот роман на Вирџинија Вилијамс. Кастингот е направен внимателно со селекција на имиња како што се Мери Џеј Блиџ, Гарет Хедлунд и Џејсон Митчел. Тв филмот е фокусиран на главните актери и начини на кои тие се борат против расизмот и загубите во поствоениот период во Мисисипи. Овој филм премиерно е прикажан на овогодишниот Sundance Film Festival и уште сега му се прогнозира голем успех и број на награди. She’s Gotta Have It (стартува на 23. ноември) https://www.youtube.com/watch?v=whvPjWm7ZE0 Истоимениот филм од 1986 година кој бил отскочна штица за тогаш почетникот во седмата уметност Спајк Лиј, сега е пренесен на малите екрани. Сериите ќе се занимаваат со романтични и професионални предизвици на Nole Darling, либерална уметничка која себе се карактеризира како „отворена за сексуално експериментирање“. Во текот на серијата ги следиме нејзините афери со тројца мажи, сите ликови кои се појавуваат во серијата се базирани на оние од филмот. The Marvelous Mrs. Maisel (стартува на 29. ноември) https://www.youtube.com/watch?v=j3WEKki6znk Фановите на серијата Gilmore Girls ќе ја обожаваат оваа серија за домаќинката од средината на педесетите години на минатиот век, еврејката Miriam „Midge“ Maisel ја игра Рејчел Броснахан.