Зошто е важна самостојна игра и како да го мотивирате вашето дете да си игра само ако досега е навикнато да си игра само со вас. Ви нудиме неколку идеи кои може да ги пробате.
Зошто е важно детето да си игра само?
Посебната игра е важна не само за да здивнат родителите, но е од огромно значење за психичкиот и физичкиот развој на детето. Самостојната игра помага за полесна социјализација на детето за во иднина, ја стимулира креативноста , го формира детето како самостојна личност, помага во донесувањето одлуки и осознавањето дали тие се точни или погрешни.
Како да стимулирате самостојна игра кај децата?
За детето е попријатно и полесно да си игра со мама и тато. Тие никогаш нема да му ги земат играчките, ќе го насочат со што и како да си игра и воопшто нема да има место за здодевност. Веројатно и на вас ви е пријатно да си играте со детето, но доаѓа момент во кој сакате да се одморите, а вашето дете да биде не толку зависно од вас.
Ако вашето дете е од оние кои тешко се занимаваат сами, ќе мора да вложите малку напор, за да му покажете дека самостојната игра всушност дури и многу често е позабавна од онаа со родителите.
Игра со храна
Децата ја знаат напамет целата маханизација од играчки и губат брзо интерес при играта со нив. А кога се уште се мали пак им е тешко да пројават имагинација и да измислуваат нови игри со стари играчки. И се стигнува до вообичаеното решение - да играат со мама.
Во такви случаи обезбедете му на детето алтернативни играчки - макарони, ориз, грав, брашно, тесто, ореви, костени и воопшто што и да ви текне. Така ќе ја провоцирате креативноста кај децата, ќе им помогнете да запознаат различни материјали и форми, ќе го подобрите моторните вештини, како и концентрацијата. Најелементарно е да им дадете чашка и лажичка за да претураат од едно во друго. А може и да го оставите детето само да измисли начин како да си играат со своите нови "играчки".
Игра со другарче
Играта со други е далеку позабавна од играта со родителите. Значи, ако сакате да се одморите и да види какви игри може да измисли детето само соберете го со уште деца. Така децата учат да играат сами или во колектив, да споделат играчки, да комуницираат, да бидат љубопитни кон околниот свет, да се дружат, да бидат трпеливи, итн.
Игра меѓу природата
Изведете го детето надвор во позната околина, Одведете го на прошетка во планината, на пример, па да провоцирате истражувачот во него. Потребни ви само гумени чизми и резервен пар облека и можете сосема спокојно да го оставите детето да игра во калта, да фрла камчиња во реката, да собира конуси во кофичката, да ги гони гуштери,те да собира шумски јагоди и слично.
Ставете распоред
Ако вашето дете е постојано залепено за вас во желбата да си играте заедно, можеби е добро да внесете распоред. Дајте му задача (идеја за игра на детето и објаснете дека имате работа наредната половина или еден час), а детето треба да се занимава само. Во на почетокот ќе биде тешко, но детето брзо ќе се навикне на графиката и ќе знае дека по овој половина час повторно ќе сте му на располагање. Дури и да немате нешто важно што треба брзо да го завршите, почитувајте го распоредот. Децата имаат добро развиен биолошки часовник и преферираат сè и секој ден да се случува на ист начин и тоа ги прави спокојни.
