Уметност пренесена на чаша

Добивај вести на Viber

Утрински појадок со Елса, на чај и шопинг со Мини и на роденденска журка кај Минионс Рачната изработка е сè поприсутна во нашата земја, а бројот на уметници е значително зголемен. Нивните дела се инспиративни, креативни и оценети го големо задоволство од потрошувачите. Креативноста е дарба, но доколку не се вложи труд во замислената идеја, целта не би била постигната.   Денес ве запознаваме со фимо глината, глина што го менува и разубавува изгледот чашите, приборот за јадење и ве носи секогаш во нов свет на различна бајка. Вистинските љубители на фимо глината се дуото ,, Совршен фимо свет“ од Скопје, кое активно твори и ги освојува срцата пред сèе на најмалите, но го буди и детето заробено во сите нас. Со нивната изработка на чаши, на најмалите им ја враќа вербата и насмевката на лицето штом ги здогледаат своите омилени принцези и јунаци на нивната чаша, а нас постарите не потсетува дека бајки сепак постојат и дека во нив, се кријат многу животни лекции. Женски Магазин: За почеток, запознајте не со фимо глимата и нејзиниот начин на изработка. Совршен Фимо Свет: Полимерната глина (ние ја користиме од фирмата Фимо-Штедлер) е посебен пластелин во боја со одредени својства, што при изложеност на температура од 130 степени се полимеризира (стврднува) и преминува во цврста состојба. Нешто како пластика. Потполно е безбеден за деца над 3 години, и доколку не се употребува за професионални изработки, може да се користи за играње по дома, со што може после печење, трајно да ги зачувате фигурите и спомените на вашето дете. Женски Магазин: Како дојде до идејата за една ваква креативна и навистина посебна изработка на чаши? Совршен Фимо Свет: Идејата дојде неочекувано баш преку групите на социјалните мрежи, кога една мајка побара ракотворци (кои работат со овој материјал) да изработат лажички и виљушки за нејзините близнаци од 3 годинки. Ние сме родители на 3 деца, имаме секојдневна борба да воведеме здрави намирници, да стекнеме здрави навики со и околу храната. Мојата желба тогаш беше да и помогнам на таа мајка во таа идеја, без да знам што не очекува понатаму. Сетчињата ги изработивме и ги дадовме на батковците…Мајката сета нејзина благодарност за успешноста на изработките и исполнувањето на очекувањата ја сподели јавно…Па некако многу еруптивно се рашири целата таа приказна со изработката на приборите. Наредниот ден, веќе имавме полни раце работа. Женски Магазин: Колку време ви е потребно за изработка на едно вакво ремек дело? Совршен Фимо Свет: Со оглед на тоа што моделацијата е рачна, потребно е многу време. За изработка на еден комплетен сет (плитка, длабока чинија, чашка и прибор) доколку работиме заедно со сопругот-двајцата, потребни се околу 10 часа…и тоа за некој веќе осмислен дизајн. Доколку треба да изработуваме некој нов лик, тоа трае и од 5 до 7 дена… време кое ни е потребно да направиме работна скица, да одбереме пози на ликовите кои ќе се вклопат во моделација и ограничениот простор на елементите од сетот…Да одбереме бои за позадината.. Сѐ тоа на крај да успееме да го споиме во една приказна, која ќе биде шарена и допадлива за децата, за кои всушност е и наменета. Женски Магазин: Интернетот е голема енциклопедија за различни области, а Пинтерест важи за доста популарно креативно прибежиште на креативните умови. Дали во областа на надоградувањето со фимо глина, црпите идеи и од интернет светот? Совршен Фимо Свет: Идеи конкретно од веќе изработени прибори од интернет светот не користиме (освен неколку конкретни случаи кога тоа било побарано од нас), со што се обидуваме сепак да ставиме некој свој печат и на тие изработки. Од интернет често позајмување само фотографии од јунаците, кои понатаму ги ремоделираме и ги адаптираме на ограничениот простор на приборот. При тоа осмислуваме позадина на која ќе бидат прилепени, место за името на детето (за да се персонализирани) и сето тоа се обидуваме да го прикажеме како некоја приказна. Женски Магазин: Колку вас социјалните мрежи ви помогнаа во промовирањето на вашиот бренд? Совршен Фимо Свет: Многу. Нас поточно и брендот ни се изгради преку социјалните мрежи… Со оглед на тоа што сѐ уште продажбата ни е само online, социјалните мрежи ни се место каде ги собираме сите пофални зборови, комплименти, идеи. Женски Магазин: Дали социјалните мрежи би ги препорачале како алатка за промовирање на сопствен бренд? Совршен Фимо Свет: Успешно се гради бренд преку социјалните мрежи, само доколку има постојаност и квалитет во изработката, односно пристигнатите производ на домашна адреса се автентични со тој на сликата што ја виделе на интернет. Зошто само со една многу мала грешка и нељубезност, постирана во група со повеќе илјада членови, може многу лесно да го сруши сиот тој бренд. Женски Магазин: Секојдневието со вашите најмили, дали е исто така еден добар извор на идеја и креативност, преку гледање цртани, секојдневни ситуации? Совршен Фимо Свет: Нашите деца буквално се избор на сите наши идеи, некогаш идеите ги наоѓаме во сликичките на парчињата на нивна гардероба, понекогаш идеите се кријат во кутиите за играчки, во цртаните што ги гледаат. Буквално насекаде. Женски Магазин: Што научивте низ секојдневната работа со клиенти? Совршен Фимо Свет: Со оглед на тоа дека работиме за деца, сфативме дека нема поголема среќа од тоа да ги исполниш очекувањата на едно дете, од тоа да успееш да оживееш една детска фантазија, еден детски сон… Среќата на децата е среќа и на родителите Женски Магазин: Каде би можеле нашите клиенти да ве побараат доколку се одлучат да нарачаат една оригинална чаша и да ги израдуваат нивните најмили? Совршен Фимо Свет: Моментално сме ограничени само на онлајн интернет продажба… Имаме наша страна со брендирани фотографии од веќе изработени сетови. Функционираме само со нарачки преку таа страна. Но, не застануваме тука. Во план ни е отворање на арт работилница во која ќе ги обединиме нашите и изработките на сите наши колеги–ракотворци, па на едно место да може и изложбено и продажно да се видат сите тие мали ремек дела. Женски Магазин: И за крај, што би им препорачале на сите оние кои се вљубени но и се бават со креативната рачна изработка? Совршен Фимо Свет: Препораката е: Бидете оригинални, свои, внесете печат во своите изработки, бидете константни во квалитетот, свежи во идеите и луѓето многу лесно ќе го препознаат тоа. Не се обидувајте да копирате никого, зошто е многу лошо да се краде туѓ труд, а чувството да направите нешто свое е неописливо. Некогаш и најобично хоби може да премине во сериозна професија. За Женски Магазин, Нина Беадер Fb strana : https://www.facebook.com/BeaderHristina/ Web Strana : https://ninabeader.wixsite.com/styleinmotion