Австралиското реално шоу „The Bachelor“ на битолчанката Ирена ѝ донесе победа и љубов за цел живот: Бајка која трае веќе две години

Филмски - битолчанката Ирена ја пронајде љубовта и го освои најпосакуваниот ерген во австралиско шоу во 2020 година.

Австралиското реално шоу „The Bachelor“, воедно и едно од најпопуларните шоуа таму, на битолчанката Ирена ѝ донесе победа и љубов за цел живот.

Во 2020 година, во шоуто околу десетина девојки се бореа за љубовта на ергенот Локлан Гилберт, а единствено Ирена Србиновска, девојката со македонски корени, која живее во Мелбурн го освои срцето на Локи, а со тоа ја однесе и победата во самото шоу.

Тогаш 31-годишната Ирена веднаш се истакна помеѓу сите девојки, а беше голем фаворит во Австралија. Таму ја претставуваа како убавица со остар ум, а Локи призна дека веднаш се поврзал со неа.

Дека нивната љубов е вистинска, Ирена и Локи докажуваат со тоа што веќе две години се заедно во добро и лошо. 
За жал, парот минатата година објави дека го загубиле бебето кое го очекувале, во првите месеци од бременоста на Ирена, кога дошло до спонтан абортус.
Тие храбро продложуваат напред во животот и не се откажуваат од желбата да имаат деца.

Локи и Ирена се активни на Инстаграм каде секојдневно споделуваат за нивниот живот.

Инаку Србиновска е медицинска сестра по професија

Интересно е што во оваа шоу во 2020 година по втор пат победи Македонка. Имено неколку години пред тоа срцето на ергенот Сем Вуд, го освои Снежана Маркоска, по потекло од Охрид.