Андријана Јаневска требало оваа година да не претставува на Евросонг: Еве зошто ја донела вистинската одлука според неа
Во напнатото финале, Победник на 68-то издание на Изборот за песна на Евровизија е Швајцарија со песната "The Code" која ја испеа Немо. Тој доби и најмногу дванаесетки од стручните жирија на 37 земји, покрај гласовите на публиката преку телевотинг.
Се декларира себе си како небинарна личност. Немо Метлер (роден на 3 август 1999 година) швајцарски рапер и пејач кој свири на виолина, пијано и тапани. Популарен е во својата земја, а светската поп Дива Селин Дион во 1988 година ѝ донесе победа исто така на Швајцарија.
Ние втор пат по ред не учествуваме на овој настан, а пејачката Андријана јаневска била таа која добила поканата од МРТ да ја претставува Македонија на Евровизија 2024 во Малме:
Еве што вели:
Минатата година, тимот на МТВ ме покани да ја претставувам Македонија на Евровизија 2024 во Малме. Им одговорив дека со задоволство ќе прифатев да беше 2000 година, кога се натпреварував со „Твоето писмо моја библија" или 2001 година кога на Скопскиот фестивал победив со „Носталгија". Тогаш имав 20 години, кариерата ми беше во подем и имав желба да направам нешто за Македонија. Исто така, тоа беа времиња кога Евровизија сè уште важеше за некаков културно-уметнички натпревар помеѓу народите и кога секоја земја се натпреваруваше со песна на својот јазик.
Денес имам 42 години и се чувствувам исполнето, среќно и остварено на приватен и професионален план. Што се однесува до мојата желба да направам нешто за Македонија, тоа го направив преку докторскиот труд на кој работев девет години, со кој успеав да заштитам над 150 македонски народни песни во регионите Мала Преспа, Голо Брдо и Гора, кои соседните држави претходно суптилно, а во последен период јавно почнаа да ги претставуваат како свои.
Благодарност до МТВ за укажаната можност, но, после ова издание на Евровизија, сметам дека донесов правилна одлука.
