Баба посакала да ја нашминкаат така да изгледа како Ким Кардашијан, а резултатот е фрапантен: Шминкер направи чудо (ВИДЕО)
Колку е голема „моќта“ на шминката, досега сме виделе безброј пати. Покрај тоа што можеме да ги покриеме сите несовршености, да ги истакнеме со бои деловите што ги сметаме за нашите предности, со соодветнo контурирање можеме дури и да создадеме илузија дека некои делови од нашето лице (на пример, носот) се помали или поголеми ( како што се, на пример, усните) отколку што се. Исто така, она што е најфасцинантно - можеме буквално да се трансформираме во друга личност.
А за тоа веќе не се потребни перики и маски. Само некој многу умешен шминкер. И тие многу добро знаат дека барањата на женските клиенти често се сосема неверојатни и тешки за имплементација, бидејќи, како и во конкретниот случај, постара жена можеби ќе сака да личи на Ким Кардашијан.
Постара баба со руса коса моментално е главната улога на вирално видео на Фејсбук, кое е прегледано над 20 милиони пати, лајкувано од дури 44 илјади корисници, со повеќе од 2.000 коментари. Причината е едноставна, а тоа е нејзината трансформација. Таа покажа фотографија од најпопуларниот член на „династијата“ Кардашијан-Џенер и побара да биде нашминкана што е можно поблиску до нејзиниот лик.
Шминкерот многу се потрудил да ја исполни желбата на клиентката, па дури користел и гипс кој ја „затегнува“ опуштената кожа, па лицето изгледа помладо и посвежо. Дури и ставил перика за да има боја на коса во склад со нијансата на познатата старлета на фотографијата која и послужила како 'модел'. Секако, користеле и кафени леќи – за да ја „копираат“ бојата на очите на Ким.
Некои се воодушевени, други велат - не е ни блиску до ликот на Ким
Под видеото може да се прочитаат различни коментари.
„Премногу слоеви ѓубре на кожата. Да не зборуваме за премногу работа за секого. Сигурен сум дека познатите личности носат слична шминка. Често се прашувам како навистина изгледаат под шминката. И секогаш мислам дека некој треба да направи натпревар во природна убавина. Без шминка, без силикони, без перики - би сакал да видам како изгледа „вистинската и природна „Мис Универзум“, „Изгледа подобро кога е вистинска, автентична“, „Јас ја разбирам забавата, но би сакала да ја замолам госпоѓата во иднина се шминка во склад со нејзините години. Ова не е ни блиску до ликот на Кардашијан“, беа само некои од многуте коментари.
Поединци побараа да им дозволиме на другите, вклучително и бабата, да живеат како што сакаат и да не се грижиме што тие самите прават со нивните лица или тела.
Како ви се допаѓа шминката? Успеа ли шминкерот да направи бабата да личи на Ким?
Пишете ни во коментари.
