Болеста нема да исчезне на есен, а, веќе во јуни може да очекуваме добри вести: Врвен вирусолог за состојбата со ковид-19

Фото:  Profimedia

Според овој вирусолог, невакцинираните лица ќе продолжат да се заразуваат и да се разболуваат, еве кога вирусот ќе престане да се шири неконтролирано.

Истакнат вирусолог од Берлин, Кристијан Достен, директор за вирусологија на Универзитетската болница „Шарита“ во Берлин, вели дека ова лето во Германија може „да биде многу добро“, но со еден услов - доколку вакцинацијата продолжи и се олеснат рестриктивните мерки.

- Мислам дека ќе ги видиме првите резултати од вакцинацијата во јуни - вели тој за телевизијата ZDF.

Тој верува дека многу мерки сега можат да бидат релаксирани, на пример, да се овозможи дружење на отворено.

Во исто време, овој вирусолог предупредува дека не треба да си дозволуваме толку брзо да паднеме во „целосна еуфорија“. Тој вели дека колективниот имунитет ќе ја подобри состојбата, но и дека „болеста нема да исчезне на есен“.

Неговата прогноза е дека невакцинираните лица ќе продолжат да се инфицираат и да се разболуваат, но дека нема да има повеќе неконтролирано ширење на вирусот.

Судејќи според бројките, бранот на вирусот коvid-19, кој ги загрижуваше уште од декември, се смирува во Германија. Веќе две недели бројките паѓаат, а според институтот Роберт Кох, бројот на нови инфекции на 100.000 жители за седум дена бил 118,6 во неделата вечерта во целата земја, што е намалување од 146,5 како во претходниот недела.

Можеби ќе ве интересира: