Додека пространите апартмани се тесни за многумина, има луѓе кои знаат да направат сопствен рај од мали нешта. Така, просторот за живеење на младата брачна двојка Крис и Ваида од Австралија е сосема необичен. Тие живеат со бебето Оливер и нивното домашно милениче во автобус, а нивниот дом нуди поглед кон морскиот брег.

Станува збор за реновиран стар училишен автобус кој е доста простран, а го искористиле убаво секој агол од него. Така, нивниот необичен дом има агол за дружење, кујна, бања и спална соба.

Украсен е во ретро стил, а младиот пар си поиграл со бои, уредувајќи го секој дел од нивниот животен простор. Постојат дури и места за растенија и уметнички слики кои го збогатуваат амбиентот.

Ова тричлено семејство има и домашно милениче, па кучето Борис живее со нив, вистинско планинско куче .

Од нивниот дом со задовослтво споделуваат фотографии на социјалните мрежи, а многу следбеници на Инстаграм се воодушевени од нивниот животен стил.

Меѓу коментарите, честопати може да наидете на оние кои велат дека нивниот дом изгледа подобро од многу куќи и апартмани.

Фото: Инстаграм

Извор:24седум.рс