Дали денес имате главоболка? Мигрена почесто од вообичаено? Не сте единствени, еве зошто ви се случува тоа
Бројни невролошки студии покажаа дека ризикот од главоболки се зголемува со зголемување на температурата. Имено, високата топлина предизвикува проширување на крвните садови во главата кои притискаат на нервните завршетоци, така што доаѓа до многу чувствителна ситуација кога и нормален проток на крв го чувствуваме како убодна болка низ черепот.
Поради ненадејни промени во атмосферскиот притисок, надворешна температура и влажност, настануваат метеоропатични реакции, од кои главоболките се најчести. Затоа секој што има сериозни главоболки овие денови треба да посети лекар за да го провери нивото на крвниот притисок и да утврди дали им треба терапија - објаснува д-р Александар Станиќ, специјалист по неврологија и експерт за главоболка.
Топлината го исцрпува телото
Најчесто, вели докторот, станува збор за мигрена и главоболки од напнатост, кои се сами по себе болести, оние кои не се предизвикани од други болести.
- Екстремните временски промени ја нарушуваат природната способност на организмот да се врати во својата состојба пред да се случат какви било промени во неговото функционирање. Топлината го исцрпува телото, од прекумерното потење се губи течност и електролити, телото се прегрева, артерискиот крвен притисок опаѓа и сето ова е поттикнувач за главоболки - вели д -р Станиќ.
Во летниот период, главата може да боли и од постојаното оптеретување на мускулите на лицето и очите поради напрегање во гледање на силното сонце, а ако сте подолго време на сонце, може да добиете изгореници, што исто така оди со главоболки и гадење.
- Поттикнувач за мигрена може да бидат шеќерите и кофеинот, кои ги има во изобилство во газирани пијалоци, а кои повеќе ги пиеме во лето.
Доста вода и свежо овошје и зеленчук
Д-р Станиќ нè советува да избегнуваме изложеност на екстремни надворешни атмосферски влијанија и да се грижиме за исхраната и внесот на течности.
- Важно е да не се нарушува внатрешната рамнотежа на организмот. На прво место, ова значи дека избегнуваме прегревање на организмот со тоа што ќе останеме во сенка, покрај водните површини и во ладен простор. Не смееме да си дозволиме да губиме течности и електролити и затоа е исклучително важно редовно да пиеме вода и да јадеме свежо овошје и зеленчук. Имајте на ум, заклучува д-р Станиќ, дека повеќето главоболки минуваат спонтано, честопати без терапија.
- Ако не е така, не лекувајте се со аналгетици. Посетете лекар за да одредите за која главоболка станува збор, бидејќи начинот на лекување зависи од тоа.
извор:zena.blic.rs
