Денес е 2728-от ден на доење: Познатата актерка откри дека непрекинато дои веќе седум години
Актерката Тереза Палмер во моментов е бремена со своето четврто дете, а неодамна на Инстаграм откри дека се уште ги дои своите деца.
Таа го роди своето прво дете во 2014 година, и оттогаш, постојано дои.
„Денес е 2728-от ден на доење. Почнав на 17 февруари 2014 година кога го родив мојот прв син. Го доев додека бев бремена со мојот втор син, а потоа ги доев и двајцата една година. Продолжив да го дојам мојот втор син и во третата бременост, а потоа го доев заедно со мојата ќерка. За време на оваа бременост се уште го дојам мојот син, а наскоро тоа ќе биде трет пат да дојан во двојка “, рече актерката.
„Има денови кога ми е тешко, уморна сум и сакам да си го одморам телото, а други денови чувствувам длабока благодарност за тоа искуство. Јас имав привилегија да го изберам доењето, што ја нема секој. За некои е полесно отколку за други. Знам многу жени кои се обиделе да дојат, но не можеле. На жените не треба да им се суди за тоа како ги хранат своите деца.
Пред две години маж и жена ме нападнаа затоа што ја доев мојата шестнеделна ќерка на клупа во паркот. Тоа се случи кога за првпат станав мајка и многу ме потресе. Се надевам дека другите жени, кои одлучиле да дојат и имаат можност, ќе можат да го прават тоа без страв од осуда. Тешко ми е да верувам дека дебатата околу тоа се уште трае“, напиша Тереза.
Тереза и нејзиниот сопруг Марк Вебер имаат три деца, синовите Боди Рајн (7) и Форест Сага (4,5), како и ќерка Поет Лејк (2), а наскоро ќе добијат и четврто бебе. Актерката често споделува семејни фотографии на Инстаграм, како и оние на кои ги дои своите деца.
извор:zena.blic.rs
