Денес изгледа сосема различно: Цел свет го следеше нејзиното бегство од семејното злоставување во Саудиска Арабија, во 2019 (ФОТО)
Фото: Profimedia
На почетокот на 2019-та година, целиот свет го следеше бегството на тогаш 18-годишната Рахаф Мухамед, која се искраде од хотелската соба за време на семејниот одмор во Кувајт, купи авионски билет за Бангкок и се впушти во најхрабрата авантура на нејзиниот живот, сакајќи засекогаш да го напушти својот дом во Саудиска Арабија и строгите правила што таа мораше да ги следи таму.
Но, наскоро се соочи со своите најдлабоки стравови - нејзиниот татко и брат тргнаа во потера по неа, а тајландскиот аеродром тесно соработуваше со саудиската амбасада за да се врати во нејзината татковина. Во тој момент таа го направи единственото нешто што ѝ преостануваше - се затвори во хотелската соба на аеродромот и преку социјалните мрежи му ја раскажува својата приказна на светот.
Во низа објави на Твитер таа детално ги опиша проблемите и неволјите со кои се соочила во Саудиска Арабија, нагласувајќи дека ќе биде убиена или дека ќе ја снема од лицето на земјата ако во тој момент се врати таму. Нејзе ѝ беше потребна итна помош за да поднесе барање за азил, а нејзините барања станаа вирални и стигнаа до владите на пет земји, вклучително и до ОН, како и до сите светски медиуми.
Животот на оваа млада жена беше под целосна контрола на нејзините браќа, таа не можеше да седи на тераса, да го отвори прозорецот во спалната соба, да оди во трговскиот центар без машки старател, па дури и да зборува јавно, дури ни со докторот. Од деветтата година беше целосно покриена со црна абаја, а не беше ни прашана за тоа како изгледа нејзиниот живот.
Кога во една прилика ја скрати косата, зборуваше на час и беше фатена како се бакнува со девојки, сите стравови на нејзината мајка се остварија. Ја малтретирале, тепале, ја испишале од училиште и ја криеле, ја третирале како семејно проклетство. Во меѓувреме, нејзиниот татко имал втора, а потоа и трета сопруга, и двете далеку помлади од нејзината измачена мајка, која како да го пренесе гневот на нејзината бунтовничка ќерка.
Рахаф го опиша своето трауматично воспитување во Саудиска Арабија, како и самото бегство, во книгата „Бунтовник“, која беше промовирана на 8-ми март оваа година. Во книгата се осврнува на тоа каков бил нејзиниот живот, а открива и дека била силувана една вечер, додека се враќала дома со такси од универзитетот на кој учела. Возачот ја силувал знаејќи дека нема да има последици. Да кажела некому за ова злосторство, ќе ја обвинеле што се осмелила да оди некаде без придружба, а семејството кое веќе ја „мразело“, ќе ја проколнело. Набргу потоа оваа девојка донела цврста одлука да си замине.
„Еден ден мајка ми запали кибрит и го чуваше пламенот од кибритот многу блиску до моето тело. Таа ми рече: „Твоето тело ќе гори, дури и во задгробниот живот, ако ја оскверниш својата чест или честа на семејството“, се сеќава таа во книгата.
Она што најмногу ѝ помогнало засекогаш да ја напушти Саудиска Арабија е телефонот, кој ѝ бил прозорец кон светот, и контактот со сонародничките кои успеале да побегнат и да започнат независен живот во странство. Семејниот одмор во Кувајт бил идеален момент за реализација на нејзиниот план.
Во книгата оваа црнка истакнува и дека бегството ѝ е најдобриот потег во животот бидејќи побегнала од физичкото, емоционалното и вербалното малтретирање на семејството. Убавата 21-годишна девојка сега живее и работи во Канада, а интересно е што неодамна отвори профил на платформата за возрасни „OnlyFans“.
- Нема да има експлицитна содржина на мојата страница, ако не ви се допаѓа тогаш немојте да се претплатите. Оваа страница е само за моите вистински обожаватели и можете да ме прашате што сакате, доколку тоа не е експлицитно! Им благодарам на луѓето кои ме гледаат како личност и ги почитуваат моите одлуки и продолжуваат да ме поддржуваат- напиша таа на својот Инстаграм профил.
Таа често на Инстаграм споделува фотографии од новото секојдневие, покажувајќи како ужива во некои работи кои дури сега ги открива. Инаку, таа беше нападната и од саудиските критичари кои тврдат дека слободата за неа значи „голотија“. Но Рахаф ги игнорира таквите коментари и вели дека нејзината единствена цел е да им помогне на другите жени ширум светот да ја искусат слободата што таа сега ја чувствува.
„Денес и во годините што доаѓаат, ќе работам за поддршка и слобода на жените ширум светот. Сакам тие да ја чувствуваат истата слобода како што ја чувствував јас кога првпат дојдов во Канада. Сакам да бидам независна, да патувам, да одлучувам за себе, мојата кариера, и со кого ќе стапам во брак“, изјави таа.
Извор: zena.blic.rs
