Девојка (21) почина поради убод од комарец: Лекарите ѝ дадоа антибиотици, но без успех - Ова се симптоми кои не смеете да ги игнорирате

Млада Британка починала пет дена откако ја каснал комарец откако се заразила со смртоносна инфекција која ѝ се проширила на мозокот. А ова се симптомите кои укажуваат дека сте алергични на каснување од комарец

Оријана Пепер (21) од Велика Британија починала откако се заразила со смртоносна инфекција од каснување од комарец, јавува BBC.com.

Несреќното девојче во јули минатата година тренирало за пилотот на компанијата „Изиџет“ во Белгија, кога комарец ја каснал на челото. Тогаш местото на убод веднаш над нејзината десна веѓа, веднаш отече.

Нејзиното момче ја однело во болница затоа што се плашело од инфекција или алергија, но тие само ѝ препишале антибиотици и ја испратиле дома.

Оријана и нејзиниот партнер се сретнале во Феникс на обука за пилоти, по што заедно биле префрлени во Антверпен, Белгија. Момчето пред судот изјавило дека и двајцата биле каснати од комарци неколку пати во текот на двата месеци додека живееле во Антверпен.

Ниту еден од нив никогаш не добил алергиска реакција или инфекција.

- Мештаните ни рекоа дека комарците се нормална појава во мај и јуни, но Оријана почна да ја боли челото, сѐ беше црвено и отечено, а имаше и силни болки во грбот. Но, лекарите само ѝ рекоа да земе антибиотици и ја испратија дома - изјави нејзиното момче.

Оријана паднала во делириум, не можела да зборува како што треба, по што паднала во несвест, па била префрлена во болница каде за жал починала по 5 дена.

Во извештајот на патологот се наведува дека девојчето кое сонувало да биде пилот, починало од сериозна инфекција откако ја каснал комарец. Оријана добила сепса која се проширила на нејзиниот мозок и предизвикала емболија која довела до нејзината смрт.

„Никогаш не сум имал ваков случај. Неверојатна трагедија за една млада дама на која ѝ претстоел цел живот и блескава кариера", изјавил патологот Најџел Парсли.

Инаку, според Американската академија за алергија, астма и имунологија, контактот со комарец мора да трае најмалку шест секунди за да се појави класичниот блистер со чешање.

Дерматологот Валенсија Томас вели дека е најдобро да преземете одредени мерки за да избегнете контакт бидејќи не можете секогаш да знаете како ќе реагира вашето тело, пишува „The Healthy“.

Д-р Томас предлага да носите облека што може да ве заштити од комарци, вклучувајќи кошули со долги ракави и панталони со долги ногавици. Консумирајте вид на храна која може да помогне да ги држите комарците подалеку од вас, а една таква намирница е лукот.

Исто така, користете заштитни спрејови против комарци и избегнувајте да поминувате премногу време таму каде што живеат комарците.

„Нормалната реакција по каснување од комарец е црвен, отечен плускавец кој чеша и кој се појавува неколку минути по каснувањето и може да трае до десет дена“, објаснува Кара Вада од Државниот универзитет во Охајо.

Сериозните симптоми вклучуваат поголеми плускавци и испакнатини на телото и посериозен оток. Ваквите знаци укажуваат дека се работи за локална алергиска реакција, која е многу ретка.

Не постои тест за да се утврди дека некој е алергичен на комарци, но лекарите можат само да ја следат состојбата и симптомите.

Симптоми кои укажуваат дека сте алергични на убод

Исип - ненадејна појава на отечени, бледо црвени испакнатини кои чешаат на местото на убодот или по целото тело може да укаже на алергиска реакција.

Оток во усната шуплина, на самите усни и во грлото - секое ненадејно отекување на лицето укажува на сериозна алергиска реакција.

Гадење – ако се чувствувате мачнини по убодот, тоа може да биде и знак дека сте алергични.

Вртоглавица – ако ви се врти и не можете да стоите стабилно, веројатно се работи за алергиска реакција.

Зголемена телесна температура – ​​ако вашата телесна температура нагло се зголеми, тоа е знак дека телото се бори со алергија.

Главоболка - ако се појави заедно со други симптоми, силната главоболка што се појавува ненадејно може да значи дека имате алергиска реакција.