Елегантни се, а во нив ќе издржите цел ден: Класичните салонки одат во заборав, а ова се чевлите број 1 за сезонава (ФОТО)
Жените ги обожаваат заради нивната удобност и елегантен изглед!
Иако обувките со високи потпетици останаа во втор план заради глобалната пандемија и потребата од удобност во последните неколку месеци, сепак се добредојдени нивните верзии со потпетица висока само неколку сантиметри, а богатата понуда на полиците во продавниците зборува многу.
Таканаречените slingback чевли, чија главна карактеристика е дизајнот на отворена пета, денес се најпосакувани со нивната на минијатурна штикла.
Овој вид обувки ги додаваат потребните сантиметри на фигурата без да жртвувате удобност и затоа не е изненадувачки што тие уживаат популарност на модната сцена.
Популарноста на чевлите е поткрепена со податоците на модниот пребарувач Lyst, според кој потрагата по нив значително скокнала во првите месеци од 2021 година, а со својот елегантен изглед тие често ги надминуваат и класичните салонки.
Како нивна главна предност, жените ја истакнуваат удобноста. Благодарение на дизајнот во знакот на ремче што се обвиткува околу глуждот, нема страв од потенцијални плускавци на петицата, а доколку се одлучите за модел на чевли со стабилна блок штикла, несомнено ќе издржите цел ден во нив.
Дали и вие ова лето ќе ги замените класичните сандали и салонки со slingback чевлите?
извор:stil.kurir.rs
фото:instagram
