(ФОТО) Пет дестинации во Европа кои вреди да ги посетите во мај

Мај е совршено време за патување низ Европа. Причината - доброто време и пријатните температури ви даваат шанса да уживате во вашиот одмор. Погледнете 5 дестинации во Европа, погодни за туристичка дестинација во мај.

Рим, Италија

Ако планирате патување во Рим, можеби мај ќе биде најсоодветно време. Априлските дождови поминаа и има уште неколку седмици до летната топлина. Имајќи предвид дека повеќето атракции во Рим, како што се Колосеумот, прекрасните фонтани и плоштади се на отворено, добро е да се избере време кога не е ниту топло, ниту дождливо и ветровито.

Вилнус, Литванија

Пролетта е добро време за патување во Вилнус поради пријатни временски услови. Главниот град на Литванија има богата барокна и средновековна историја, која исто така влијаеше на изгледот на градот. Вилнус е полн со слатки мали ресторани, кафулиња, занаетчиски продавници и прошетка во Стариот град е апсолутно неопходна.

Ница, Франција

Француската ривиера плени со своите прекрасни и луксузни одморалишта, кои цело лето се полни со странски туристи и со француски гости. Мај е подобро пригоден за екскурзија, бидејќи народ нема многу, а цените се значително пониски. Ве советуваме да останете во Ница не само затоа што градот нуди многу забава и места за посета, туку и затоа што можете да патувате со воз до Кан или Монако.

Амстердам, Холандија

Амстердам може да се посети било кое време од годината, но во мај ќе имате шанса да уживате во пролетниот изглед. Дрвјата станаа позелени и времето е добро за одење околу каналите а велосипедизмот е како од бајка во овој период. Покрај тоа, протокот на летен туризам е посилен и градот може да изгледа преполно.

Коста дел Сол, Шпанија

Ако планирате предвремен одмор покрај морето, размислете за Коста дел Сол, Шпанија. Мај е почетокот на сезоната, така што цените се умерени и времето е пријатно топло. Одморалиштето е мирно, па затоа е исто така погодно за семеен одмор со деца. Исто така е само неколку километри од Малага.