Премиерот Зоран Заев и неговата сопруга Зорица беа дел од гостите на традиционалниот Виенски бал кој е во тек во скопскиот хотел Александар Палас. Заеви и пред две недели беа на Виенски бал, но во Виена, како гости на канцеларот Себастијан Курц. Заев облече црн смокинг, а неговата сопруга беше една од најелегантните гостинки. Заева избра црна долга тоалета со тантела и накит кој совршено се вклопи со облеката. Заеви привлекоа најмногу внимание кога стасаа пред хотелот. Виенскиот бал во Скопје годинава прослави 20 годишен јубилеј. Го организира здружението Јохан Штарус од Скопје и Австриската амбасада со поддршка на Министерството за култура.
