Гушкајте се! Еве уште една причина зошто овој едноставен гест треба да биде дел од секојдневието
Кога саканата личност има тежок ден, веројатно ја прегрнувате без да размислувате премногу за тоа. Новото истражување тврди дека овој едноставен гест има поголемо влијание отколку што мислите.
Во трудот објавен во научното списание „PLOS One“ се тврди дека прегратките можат да имаат мерлив ефект врз расположението и нивото на стрес по конфликт. Прегратката, се испостави, е гест што ги зголемува позитивните и ги намалува негативните чувства кај луѓето во деновите кога имале проблеми во врската.
Коавторот на студијата, Мајкл Марфи, тврди дека гушкањето, што е многу едноставно однесување, може да биде ефикасен начин за поддршка на мажите и жените кои минуваат низ конфликти во нивните односи.
За целите на студијата, Марфи и неговите колеги интервјуирале 404 возрасни лица по телефон секоја вечер во текот на две недели. На секој човек, меѓу другото, му било поставено прашање за неговото расположение тој ден, дали биле во некаков конфликт и дали тој ден добил прегратка.
Секоја личност мораше да помине физички преглед и да пополни прашалник за нивното здравје и социјалните односи.
Прегратките, откриле истражувачите, биле поврзани со мали подобрувања во позитивното расположение и намалување на негативното расположение. Во деновите кога доживеале конфликт, но добиле и прегратка, луѓето пријавиле помалку негативни чувства и повеќе позитивни отколку во деновите кога биле дел од конфликт и без прегратка.
Тој тренд беше ист без оглед на полот, возраста, расата, брачниот статус, вкупниот број на социјални интеракции и просечното расположение, па дури и пренесен на следниот ден.
Истражувањата исто така сугерираат дека физичкиот допир може да стимулира корисни физиолошки промени, како што се намалување на стресните активности на мозокот и срцето и ослободување на окситоцин, кој се нарекува хормон на љубовта.
Се разбира, има луѓе кои не сакаат прегратки, па дури и меѓу оние кои сакаат, ефектот на прегратката веројатно зависи од тоа од кого доаѓа.
Студијата на Марфи не испита како овие разлики влијаат на реакциите на луѓето на прегратката, но тој и неговите колеги работат на друга студија која ќе опфати повеќе прашања како на пример дали личноста експлицитно ја побарала прегратката и од кого ја добила.
Во секој случај, прегратките, барем оние меѓу блиски луѓе, можат да бидат едноставен, директен и ефикасен начин да го поддржите некој за кој се грижите и кој се соочува со конфликт во нивната врска.
Фото: Freepik.com
Извор: Zadovoljna.dnevnik.hr
