Храна што можете да ја чувате и надвор од фрижидерот

Ако сте складирале повеќе храна, но просторот во фрижидерот ви е мал - постои решение
Поради коронавирусот, многу луѓе од целиот свет, вклучително и земјава, почнаа да складираат храна. Полиците во продавниците се празнат, а фрижидерот дома ни е преполн.

Но, што да правиме ако нема доволно место во него? Производите што останаа надвор од фрижидерот ќе бидат расипани, и така можеме да изгубиме дел од намирниците кои сме ги обезбедиле

Еве неколку видови на храна што можете да ги чувате надвор од фрижидерот:

Јајца


Ние сме навикнати да ги чуваме јајцата во фрижидер, но тоа не е потребно.
Јајцата можат да се чуваат на собна температура до седум дена, а домашните (свежи) јајца до 25 дена.
Ако ја измиете лушпата од јајцето, нивниот рок на траење надвор од фрижидерот ќе биде продолжен за уште 12 дена.



Павлака


Општо е прифатено дека павлаката како и другите млечни производи, брзо се расипуваат. Сепак, затворениот пакет павлака може да се чува надвор од фрижидерот на температури до 25 степени Целзиусови.
Неговиот рок на траење е помеѓу 4 и 6 месеци, во зависност од производителот и неговиот датум на подготовка.
Сепак, важно е да знаете дека откако ќе ја отворите кутијата, веќе ќе треба да ја чувате павлаката во фрижидер.



Овошје и зеленчук


Многумина од нас овошјето и зеленчукот го чуваме во фрижидер. Но, тоа не е неопходно, бидејќи има производи што можат да се чуваат надвор.
Доматите се добар пример за ова. Стануваат летаргични и без вкус кога се чуваат во фрижидер.
Никој не сака ладен кромид, лук, лимони, компири, банани, модри патлиџани, пиперки и авокадо. Ова е причината зошто тие можат да останат надвор од фрижидерот.
Ако имате свеж магдонос, само ставете го во чаша вода, така тој ќе остане свеж подолго време.


Сосови

Некои сосови може да се чуваат и на собна температура. На пример, кечап. Направен е врз основа на оцет, затоа не е потребна студена температура.