Јелена кајче веслаше: Српската пејачка воодушевена од убавините на Охрид – „Каков прекрасен ден“

Српската пејачка Јелена Томашевиќ воодушевена од убавините на Охрид, објави неколку фотографии од преубавиот Св. Наум.

„Каков прекрасен ден на Охридско езеро, во манастирот Св. Наум, уживање во природа и веслање за крај на денот“, напиша Јелена.

Пејачката имала уникатно доживување, веслала во охридско кајче на изворите на Свети Наум.

Судејќи според фотографиите пејачката е воодушевена и задоволна од она што го видела во Охрид.

Нејзиниот повод за посетата на македонскиот бисер е фестивалот со традиција Охрид фест, каде песната „Јутро“ ја доби наградата за „Песна на сите времиња.

„Следната година ќе има полни 20 години откако песната „Јутро“ е снимена и откако се всели во моето и вашите срца“, напиша пејачката во објавата.