Како да работите од дома со партнерот без да се „истепате“ еден со друг

Во кругот на шегата, но и не само шега


Поради сегашната состојба на социјална изолација како резултат на пандемијата на новиот коронавирус COVID-19, многу луѓе мораат да работат од дома, сакале или не. Сепак, ова претставува ризик за силата и состојбата на нашите односи со најблиските. Кога сте ограничени во вашиот дом цел ден заедно и морате да ги усогласите вашите лични и професионални обврски, многу е веројатно и да се дојде до конфликти.

Како да се работи заедно од дома со сопругот/сопругата без да се „истепате“ еден со друг:



Откријте го вашиот личен простор

За да можете да ја одделите вашиот личен од професионален живот во рамките на заедничката резиденција со вашиот партнер, условно пронајдете простор ваш и негов каде да работите, како да не сте заедно во тој момент. Не правете грешка да работете заедно во една просторија, така може брзо да дојдете до конфликт. Затоа, најдете приватност во различни простории и работете во мир.

Правете си состаноци на ручек (за пауза)


За да бидете вистински на работа, направете аранжмани за ручек во кујната. Ова е начин да ја задржите вашата психа во нормална состојба додека сте под карантин или додека не заврши вонредната состојба во скоро целиот свет. Ќе бидете воодушевени колку добро ќе се чувствувате ако ја играте оваа мала игра секој ден. Можете дури и да ги подобрите односите уште повеќе со тоа што ќе ги одржувате како што би било доколку не би биле во ваква ситуација. Ова ќе предизвика многу хумор и смеа.

Почитувајте ги личните и професионалните граници на другиот

Обидете се да се однесувате како да сте навистина на работа. Не брзајте во дневната соба ако вашиот партнер остварува конференциски повик со колегите или клиентите. Знаеме какви комични ситуации предизвикуваат.

Облечете се за работа

Замислете дека навистина ќе работите. Носете облека што е соодветна за вашата канцеларија. Избегнувајте да стоите во пижами деноноќно затоа што ќе изгубите трага каде сте, и бидејќи не е својствена за никого, тоа има негативен ефект врз психата. Затоа, облечете се како да сте на работа и седнете пред вашиот компјутер.

Инвестирајте во алатки за намалување на бучава

Ако никогаш не сте користеле слушалки за во уво за да ве изолираат од околната бучава што ви го одвлекува вниманието, инвестирајте во нив. Тие ќе ви помогнат да се фокусирате и да работите нормално ако вашиот партнер ве спречува од соседната просторија.