Како да се нашминкате во лето без да изгледате како ракун: Вака нема да ви се „стопи“ лицето - и не, не треба да потрошите цело богатство
Летото е полно со прекрасни нешта - но пудра која се „топи“, размачканиот молив за очи и лепливиот кармин не се меѓу нив.
Затоа за вас подготвивме некои од најдобрите совети за летна шминка за вашето лице да изгледа природно, свежо и убаво, дури и кога сте облеани во пот во овие топли летни денови.
Започнете со добра хидратација
Начинот на кој се грижите за вашата кожа е исто толку важен како и шминката што ја нанесувате на неа. Наутро користете хидратантна крема без масло. Помала е веројатноста да го оставите вашето лице да се чувствува мрсно во текот на денот, особено на топлина.
Акцент на заштита од сонце
Освен што ја навлажнувате кожата, сакате да бидете сигурни дека вашата кожа е соодветно заштитена од сонце - а тоа значи да носите крема за сончање со широк спектар со заштитен фактор 30 или повисок секој ден, дури и под шминка.
Моќниот прајмер е вашиот најдобар сојузник
Нема да зажалите за дополнителните неколку секунди потребни за нанесување на прајмерот за шминка, кој се нанесува после хидратантната крема, но пред шминкањето на лицето. Тој е дефинитивно вашиот најдобар придружник во текот на летото, пишува Goodhousekeeping. Прајмерот навистина помага да се задржи шминката на место без да се чувствувате како да имате уште еден тежок слој.
Потпрете се на чисти, нежни нијанси
Богатите, длабоки бои имаат свое место, но можат да изгледаат тешки во лето. За да го разубавите вашиот изглед, префрлете се на понежни верзии на вашите омилени бои за усни и очи.
Пробајте ги водоотпорните верзии на вашите омилени производи
Дали сакате да пливате и да изгледате добро во исто време? Не грижете се за добивање на ракун очи - постојат многу неверојатни долготрајни производи за шминка денес. Купете водоотпорна маскара, или ако трепките ви се светли - бојадисајте ги.
Фото: unsplash
Можеби ќе ве интересира: