Животна училница // Семеен Албум

Кавгите пред децата може да бидат корисни

  • 26 Април, 2020

Добивај вести на Viber

Благодарност, вредност и самодисциплина се само некои од важните особини кои треба да ги развивате кај децата. Американски магазин Тајмс објави на својот сајт листа од научно поткрепени методи кои ги користат добрите родители. Еве што советуваат научниците да направите:

  • Пофалувајте ги децата поради трудот, а не поради умноста
Децата треба да се пофалат за она што лесно може да го контролираат, а тоа е количина напори кои ги вложуваат. На тој начин, се учат на истрајност, што води кон напредок. Но, со овие пофалби не треба да се претерува. Ако детето претерано го фалите за упорноста, ќе биде упорно само кога ќе го пофалите. Што е најдобро да направите? Пофалувајте го детето повремено, но и секој пат кога заслужи. Мозокот мора да научи да се избори со фрустрацијата, но и да не се откаже тогаш кога наградата (пофалба) изостанува.
  • Погрижете се доволно да спијат
Загубата на еден час сон на ученик од шесто одделение, го сместува на ниво на четврто. Влијанието на сонот е мерливо. Час време сон помалку е еднаков на две години помалку по прашање на когнитивна зрелост. Ако детето е хронично ненаспано, настануваат сериозни проблеми со однесувањето. Проблемите со спиењето во текот на годините на развој може да доведат до долгорочни промени во структурата на мозокот. Некои научници сметаат дека типичните особини за тинејџери-промена на расположение, чудливост, депресија – всушност се симптоми на хронична ненаспаност. Ни за време на викендот, децата не смеат да останат будни подолго. Секој час на спиење помалку во текот на викендот, ги чинел децата седум поени на тестот на интелигенција, покажало истражување. Голема студија која опфаќа дури 3 000 деца, покажала дека одличните деца спијат во просек 15 минути подолго од многу добрите, кои спијат 15 минути подолго од добрите, и така натака...
  • „Измамете“ ги да ја кажуваат вистината
Родителите не знаат кога нивното дете лаже. Само мислат дека знаат. Децата сакаат да им угодат на родителите. Ако често им говорите дека вас вистината ве прави среќни, поголеми се шансите детето да биде искрено. Ако сакате да ја дознаете вистината, на детето мора да му понудите „имунитет“ т.е. пружете му шанса да ја каже вистината и притоа да не настрада. Кој е најбрзиот начин да ја извлечете вистината од детето? Кажете: Сега ќе ти поставам прашање. Но, пред тоа вети ми дека ќе ја кажеш вистината? Ова ветување ги намалува изгледите дека ќе лаже за 25%.
 
- На децата им се потребни правила
Верувањата дека строгоста води кон бунтовното, а попустливоста кон подобро однесување е-мит. Децата кои во тинејџерски години почнуваат да прават проблеми, обично имаат родители кои не поставуваат никакви правила. Децата тоаго толкуваат како недостаток на заинтересираност и грижа. Родителите кои на децата им наметнуваат правила и инсистираат на нивна почит, воедно се и највнимателни и најмногу разговараат со децата, а децата најмалку ги лажат. Секако, не треба да се претерува со правила, за да не им стане премногу досадно на децата. Децата на кои им е досадно, се оние кои пијат и се дрогираат. Дури и на децата кои се зафатени може да им биде досадно, посебно ако се занимаваат со она што им го наметнале родителите. Покрај ова,  досадно им е на оние деца кои навикнале дека родителите им го исполнуваат слободното време со разни активности, наместо од мали нозе да научат самостојно да се борат со досадата.
  • Расправите со тинејџери се нормални и здрави
Умерените конфликти со тинејџерите го подобруваат односот со нив. Повеќе од ¾ ќерки сметале дека расправите со мајките меѓусебно ги зближиле. Само четвртина од тинејџерките расправата ја доживеале како деструктивна.
  • Карањето пред деца може да биде корисно
Кога се расправате пред деца, вие ги учите како се решаваат спорови. Но, само ако децата присуствуваат на расправата до нејзино решавање. Кога децата ги оддалечувате од собата сред караница, тие немаат шанса да го видат исходот, па можат поради тоа да станат агресивни и исплашени. За децата е корисно да слушаат како аргуметирано се судирате и на крај наоѓате решение. Важно е да забележат дека на крај, повторно сте пријателски настроени кон брачниот другар.

Можеби ќе ве интересира