Кејт Мидлтон го украде шоуто во најелегантното издание досега: Светот е обиколен од фотки на кои Том Круз ја држи за рака додека принцот Вилијам чекори сам
Кејт Мидлтон го украде шоуто во Велика Британија на премиерата на Top Gun: Maverick и ја донесе нејзината модна А-игра за таа пригода.
Кејт и нејзиниот сопруг принцот Вилијам им се придружија на ѕвездите како Том Круз, Џенифер Конели и Вал Килмер на црвениот тепих на плоштадот Лестер, во Лондон каде синоќа се одржа премиерата на долгоочекуваниот филм „Top Gun: Maverick“.
Кејт изгледаше блескаво во фустан на Roland Mouret со отворени раменици и обетки со дијамантски ѕвезди Робинсон Пелам од 10.500 фунти додека гламурозно чекореше на црвениот тепих.
Војвотката од Кембриџ се одлучи за црно-бел фустан кој ѝ ласка на фигурата, а елегантниот монохроматски фустан го комбинираше со пар класични потпетици кои можеа да се видат под нејзиниот фустан.
Во меѓувреме, принцот Вилијам го покажа својот стил во полноќно сина кадифена јакна од Александар Меквин, панталони и кадифени папучи извезени со минијатурни борбени авиони како знак на внимание за филмот.
На кралскиот пар им се придружи главниот актер Том Круз, кој доби пофалби откако ѝ помогна на Кејт на црвениот тепих.
Кога стигнаа до малите скали, Круз веднаш се сврте и ја подаде раката кон војвотката која одеше покрај него.
Tom Cruise croise une célèbre ex sur le tapis rouge, Kate Middleton sort le grand jeu https://t.co/HtvWscO4R6 pic.twitter.com/28AeuQegKi
— Purepeople.com (@purepeople) May 20, 2022
Kate Middleton, radiante y super sexy en el estreno de "Top Gun"https://t.co/feAol7lJnd pic.twitter.com/Ou8RcDlMiM
— Camerino de Pulso (@Camerino_Pulso) May 20, 2022
Кејт, која изгледаше прекрасно, ја подаде раката да го зграби за дополнителна поддршка и двајцата се смешкаа додека чекореа рака за рака. Во меѓувреме светот е обиколен од овие фотки, на кои пак, принцот Вилијам чекори сам покрај сопругата и Том Круз.
Пред премиерата, Круз рече дека тој и принцот Вилијам „имаат многу заеднички работи“ додека зборуваше за неговото воодушевување од кралското семејство.
- Имаме многу заеднички работи. И двајцата ја сакаме Англија и двајцата сме авијатичари, обајцата сакаме да летаме - рече тој.
Филмот Топ ган: Маверик, кој досега добива одлични критики од критичарите, ја претставува холивудската ѕвезда Круз во улогата на американскиот поморски авијатичар Пит Мичел и излегува 36 години по оригиналот од 1986 година, пишува Daily Mail.
