Котев Ксенија, АмстерДама и Едвард Станковски во галерија „Акантус“

Од 15 до 20 мај во галерија „Акантус“ ќе имате можност да уживате во сребрената авангарда на Котев Ксенија, духот на амстердамскиот стил со АмстерДама и фото приказните на Едвард Станковски. Едно сосема поинакво поимање на слободниот дух и стил кога уметноста и модата се сплотени во едно создаваат совршено галериско претставување.

АмстерДама е партнерска двојка која живее и работи во Амстердам со симпатична желба и воља да ја пренесе културата на „second hand shopping“ која е исклучително популарна во Амстердам. На изложбата ќе биде претставена една специфична селекција на автентинтични парчиња женска и машка гардероба. Супер микс на ретро, винтиџ, тренди и авангардно.

Сребрената страст на Котев Ксенија и нејзиниот накит повторно ќе ве доведе до искушение.

На групната изложба ќе бидат претставени парчиња накит од двете претходни колекции на Котев, "Hidden stories" и "Cradle of desires" и мал поглед во новата колекција која допрва претстои - "Embryo" .

Вашата омилена „Кривина 9“ (Curve 9)  е вашето омилено сребрено „дежаву“ на овој накит чија приказна е мистична (Mystify) и заплеткана (Tangled) во празните множества (Empty set Ø) подготвени за едно ново 925 раѓање.

Финалниот декор го има уметникот Едвард Станковски, кој повеќе од 25години живее и работи во Амстердам, а пред скопската публика ќе се претстави со изложбата " La Femme Obscure". Во центарот на оваа изложба е жената, нејзината убавина, сензуалност, таинственост и сила.

Се гледаме вечерва на изложба!