Љубовната приказна на Шумахер и Корина крши срца: 8 години се бори за него секој ден и не се откажува

Добивај вести на Viber

фотографии:PROFIMEDIA

Корина 8 години се бори за неговиот живот и не се дели од него!

Познатиот седумкратен шампион во Формула 1, Михаел Шумахер вчера го прослави својот 53-ти роденден. Поминаа осум години од несреќата на скијање на француските Алпи, каде што беше тешко повреден, Михаел оттогаш не е виден во јавноста, а неговата сопруга Корина беше принудена повторно да продаде дел од имотот за да ги финансира неговите терапии.

Љубовната приказна на Махаел и Корина започна во 1991 година на почетокот на неговата кариера во Формула 1, а тие се запознаа на забава на која присуствуваше тогашниот дечко на Корина, Хајнц-Харалд Френцен, кој исто така се занимаваше со трки. Корина набрзо раскина со него и почна да се забавува со Шумахер. Првично, многу медиуми пишуваа дека нивната врска е само еден голем маркетиншки трик.

Михаел за прв пат стана светски шампион во 1994 година, а истиот успех го повтори и следната година, па парот одлучи да стапне на лудиот камен подоцна во 1995 година, а сите сомнежи за нивната љубов се покажаа како неточни.

Тие имаат две деца, Џин Мари, која е родена во 1997 година, и две години помладиот Мик, кој исто така се занимава со трки, а инаку скиал со татко му тој  кобен 29 декември 2013 година, кога Шумахер паднал и ја удрил главата во камен.

Неколку месеци пред несреќата на скијање на француските Алпи, тогаш 45-годишниот Шумахер изјавил дека тој и неговата сопруга никогаш во целиот брачен живот од, тогаш, 19 години, немале сериозна кавга.

Приватниот живот секогаш го држеше подалеку од рефлекторите, а и Корина не сакаше премногу да се истакнува, па за сите овие години даде само неколку интервјуа.

Таа отсекогаш била лојална сопруга, која исклучително ја поддржувала кариерата на нејзиниот сопруг. Тој еднаш рече: „Не е толку лесно да се најде партнер кој безусловно се прилагодува на темпото на мојот живот“.

Парот инвестирал пари во недвижен имот и ранчи. Тие изградиле специјализиран ранч за тренирање коњи во Тексас и Швајцарија, а нивниот заеднички живот бил идиличен, се' до несреќата.

Поминаа нешто повеќе од осум години од несреќата на скијање.

Шумахер по несреќата помина шест месеци во кома, а откако излезе од болница, тим од експерти се грижи за него дома. Тој е секогаш опкружен со тим лекари, кои се грижат за неговото здравје, а Корина Шумахер, според странските медиуми, повторно била принудена да продаде дел од семејното богатство за да може да продолжи да го финансира лекувањето што му треба на Шумахер за да остане жив. Набргу по несреќата продала приватен авион, како и вила во Швајцарија и луксузниот мерцедес на Михаел.

Минатата година беше објавен документарен филм на Нетфликс во кој семејството зборуваше за блескавата кариера и успехот на Шумахер. 

„Живееме заедно во нашиот дом, имаме терапии, правиме се' за Михаел да биде подобар и да ја почувствува солидарноста на нашето семејство. Ми недостига тој Михаел секој ден и не само мене, и на децата, семејството. Михаел е овде, различен е, но овде некаде е, и тоа на сите ни дава сила“, изјави тогаш Корина.

Не се знае многу за тоа каква всушност е сега неговата ситуација, освен што се знае дека Мајкл може да седи и да комуницира со очите. Неговиот поранешен менаџер Вили Вебер во еден момент ја обвини Корина дека го крие од јавноста и не дава никакви информации за неговото здравје, сакајќи да истакне дека таа намерно крие нешто и не сака да се открие вистината.

Сепак, поранешниот шеф на Ферари, Жан Тод, имаше само пофални зборови за неа минатата година.

„Поминав многу време со Корина од неговата повреда на 29 декември 2013 година. Таа е одлична жена и се грижи за целото семејство. Не очекуваше дека ќе биде вака, се се случи толку брзо и едноставно немаше избор. Благодарение на лекарите и соработката со Корина, кои сакаа да преживее - преживеа, но со големи последици. И сега се борат со тие последици. Се надеваме дека работите полека, но сигурно ќе се подобруваат“, рече Тод.

Жан во едно интервју истакна дека поминува многу време со Мајкл. Ако Корина е таму, вечераат заедно, а ако не, двајцата седат сами. Дали Мајкл го препознава, Тод никогаш не дал јасен одговор освен насмевка и одмавнување со раката.