Милена и Драган немаа деца, но ова девојче им беше како ќерка
Цел Балкан е потресен од смртта на големата ѕвезда актерката Милена Дравиќ, а таа до последен момент остана насмеана дама која ширеше позитивна енергија и покрај тоа што страдаше од сериозна болест.
Нејзина најголема поддршка во животот беше нејзиниот колега и сопруг Драган Николиќ. Милена се омажи три пати, но Драган беше нејзина љубов за сите времиња. Тие беа во брак повеќе од четири децении, а за актерката тоа беа најубавите години од нејзиниот живот.
Еднаш како една од најпопуларните, и според многу и најубавите двојки, која успеа да се спротивстави на сите искушенија, на прашањето која е тајната на успешниот брак, Драган изјави:
- Кога две лица кои се успешни во работата, се разбира, постојат и оние кои ќе ви завидуваат, но кога станува збор за бракот на јавните личности, мојот совет до колегите кои се во слична ситуација е: Бидете попаметни од озборувањата и едноставно живејте го својот живот.
Бидејќи немаа деца, тој за родителството коментираше вака:
- Да се биде родител е едно искуство и нешто што на секое живо суштество му е потребно за создавање на еден вид. Мислам дека тоа што ние немаме деца е голем недостаток, а не маана, но тоа е едноставно така. Ова ни дава можност да ги гледаме сите деца како свои. Ја имаме нашата мала внука Ива, која има пет и пол години. Таа ни даде се што немавме, и околу неа се врти целиот наш свет - изјави Драган своевремено за „Стори“.
Од друга страна, Милена кажа:
- Драган и јас немаме деца, но целиот наш живот сме семејство. Како што сме поврзани со нашите семејства отсекогаш. И двајцата ја обожаваме нашата внука, внука на мојот брат и двајцата се грижиме за најблиските - рече таа.
