Моите ќерки денес се успешни и богати: Го применив ова родителско правило, кое многумина не го сакаат, а носи одлични резултати
Ова е мојот повик за будење до современите родители: ние едноставно правиме премногу за нашите деца. Ова е коренот на таканареченото „хеликоптерско“ родителство во кое постојано ги отстрануваме пречките за нашите деца да не мораат сами да се соочуваат со предизвици, пишува Естер Војчицки, новинарка и авторка на книгата „Како да се подигнат успешни луѓе (How to Raise Successful People“.
Имаше многу непопуларни правила за родителство што ги следев како млада мајка. Но, број 1 беше: Не правете ништо за вашите деца што тие можат да го направат за себе.
Ова очигледно се исплатеше во одгледувањето на моите ќерки, бидејќи сите три станаа многу успешни. Сузан е извршен директор на YouTube, Џенет е доктор, а Ана е ко-основач и извршен директор на „23andMe“. Затоа, тие се на врвот на конкурентни професии во кои доминираат мажи.
Децата не треба да се галат
Колку повеќе им дозволувате на вашите деца да ги прават работите сами, толку повеќе ќе бидат самостални. Клучот е да ги покажете преку пракса, односно методот „Јас правам, ние правиме, ти правиш“. Можете да го пробате ова во неколку многу едноставни, секојдневни навики:
Будење: Дозволете им сами да постават аларм.
Облекување: Оставете ги сами да си изберат облека.
Појадок/Ручек/Вечера: Вклучете ги во подготовката на оброците на некој начин, тоа може да биде поставување на масата, матење тесто за палачинки или нешто едноставно како тоа
Подготвување ранец за училиште: Нека поминат низ список со она што им треба тој ден.
Правење планови: Дозволете им да смислат свои активности за викендот или после училиште.
Проверка на домашната задача: Во ред е ако не сфатат се‘ како што треба. Треба да учи од сопствените грешки.
Посебно е важно да им дадете некои задолженија, како миење садови во нашиот дом. Сите мои ќерки стоеја на мало столче покрај мијалникот и ги миеја садовите по вечерата. И кога одевме на шопинг тие бараа да ми помогнат со некои ќеси.
Не грижете се за совршенството
Очекував моите ќерки сами да си ги средуваат креветите секое утро. Но, креветот направен од дете може да изгледа како да сè уште спие во него. Не ги обвинував. Се додека го почитуваа тој договор, јас бев задоволна, пренесува „CNBC“.
Да се биде мајстор во нешто значи да го правиш тоа онолку пати колку што е потребно за да станеш добар или најдобар во тоа. Тоа што сум професор по пишување ме научи на тоа. Во 80-тите и 90-тите една од наводните карактеристики на добар наставник беше да го направи вашиот тест толку тежок што многу студенти не можеа да го положат.
Но, децата кои добија оценка D (2) на првиот труд не можеа да се соземат од тоа и ја изгубија мотивацијата за напредок, бидејќи нивните крилја беа исечени на почетокот. Затоа им дадов можност да ја повторат својата работа онолку пати колку што сакаат. Нивната евалуација се базираше на финалниот производ. Сакав да го наградам учењето и напорната работа без да ги осудувам врз основа на првиот неуспех.
Децата се попаметни отколку што мислите
Да бидам јасна, не велам дека треба да ги присилувате вашите деца да прават работи кои не ги разбираат, ниту велам дека треба да ги оставите да играат на улица ако не е безбедно таму, или да одат до продавница по намирници, или да шетаатсами ако соседството е опасно.
Идејата е да ги научиме како да се справат со она што животот им го фрла. Една од најважните лекции што ги научив на ќерка ми е дека единственото нешто што можете да го контролирате е како реагирате на она што ви се случува.
Кога им верувате на децата сами да донесат одлуки, тие почнуваат да се чувствуваат посигурни, помоќни и ангажирани. И кога тоа ќе се случи, нема ограничување за тоа што можат да постигнат.
Фото: unsplash
извцор: женаблиц
