„Мојот глас и видео, се придонес за децата со аутизам кои не зборуваат“: Филип со моќна порака за Светскиот ден на свесноста за аутизмот

Добивај вести на Viber

Филип Циглењик Симоновски е дете со аутистичен спектар на нарушување кај децата. Тој преку видео испрати можна порака во име на сите деца кои се соочуваат со овој животен предизвик. Како што вели тој е гласот на aутистичните децата кои не можат да зборуваат.

„Здраво на сите. Јас сум Филип Циглењик Симоновски. Јас сум дете со аутистичен спектар и доаѓа месецот за кревање на свесноста за аутизам. Мојот глас и видео, се придонес за децата со аутизам кои не зборуваат. Еден дел од луѓето многу ме сакаат, многу сум им бил убав, но еден дел од луѓето се сурови. Јас би им порачал на аутистите да веруваат во себе си, да си го слушаат срцето и да си ги следат соништата. Без разлика што да им речат луѓето, дека не се добри, дека нема да успеат, сепак верувајте си во срцето, слушајте си ги и следете си ги соништата. Единствено што можам јас да кажам е дека доброто со добро се враќа и лошите луѓе нека не бидат сурови, бидејќи не боли, а ние сме полни со љубов. Ден на аутизмот не е само 2 април за поддршка, туку за мене е 365 денови во годината. И благодарам на мама и на другите коишто веруваат во мене и ви благодарам на вас за времето. Среќен 2 април и се гледаме“, вели Филип во видеопораката.

Април е месецот за подгигнување на свеста за аутизмот. Носиме сино и зборуваме гласно, напиша Ана Марија, мајката на Филип.

„Не на 2-ри април, туку ден претходно, ден подоцна, цела година, секогаш. Приказните на Филип немаат крај, но за жал не секогаш и мислата има вербален тек, па затоа лепевме, сечевме и дотеравме една најубава порака. Небото е лимит!“, стои во објавата на Ана-Марија.

Инаку Филип е врв уметник кој својата креативност ја претвора во уникатни уметнички дела. Уште на своја четиригодишна возраст, сосема случајно, почнал да слика акрил на платно. Сликите на Филип, кој има аутизам претставуваат бои полни со емоции. Филип на свои 12 години веќе има одржано своја самостојна изложба.

Фото: Фесбук
РЖМ