Наградените композитори ќе го тужат Министерство за култура
Наградените автори на Конкурсот за откуп на нови музички дела конечно добија Решение за поништување на конкурсот од страна на министерот за култура Роберт Алаѓозовски, по два претходни налози од Државниот управен инспекторат.
По добивањето на решението за поништување на објавените награди, авторите ќе поднесат тужба до Управниот суд и ќе поведат граѓански тужба со барање надомест за штета, поради компромитирање и нарушување на анонимноста на нивните дела и нивниот повеќемесечен труд.
Иако министерот најави повторување на конкурсот, Министерството сѐ уште нема објавено никакви информации во врска со неговото повторно објавување. Прашање е дали министерот навистина има намера да го повтори конкурсот, или пак не му се допаднале определени имиња како што претходно тврдеа наградените автори.
