Најмладиот син на српскиот актер има 3, а најстариот 41 година: Слободан Ќустиќ е во среќен брак со 23 години помлада сопруга

Добивај вести на Viber

Актерот Слободан Ќустиќ (63), кого публиката во моментов го гледа во популарната серија „Igra sudbine“, е горд татко на шест наследници.

Слободан Ќустиќ е во среќен брак со својата сопруга Јелена, 23 години помлада од него, со која има четири деца кои носат необични имиња - синовите Василије Вид, Танасије и Озрен и ќерката Зарија.

Од првиот брак, актерот има уште два сина - Никола и Љубомир.

Она што е интересно е дека најстариот син на Слободан има 41 година, додека најмладиот, Озрен е три и пол годинки.

- Имам пет сина и ќерка, принцеза. Најмалиот син има три и пол години, а најстариот 41. Сè може да се постигне кога човекот е добро организиран, а како што јас и мојата Јелена се согласуваме убаво за сè, тогаш секој ден ни е мед и млеко - изјави неодамна познатиот актер во шоуто „Kec na jedanaest“.

Ќустиќ е постар од неговата сопруга Јелена повеќе од две децении, но никој од нив не обрнува внимание на тоа, ниту разликата во годините им пречи.

- Кај Слободан ме привлече неговата харизма, слобода и леснотија на постоењето и живеење. Силна, непоколеблива волја и весел дух. Искри од радост кои постојано тлееја во неговите очи и насмевката што тој секогаш ја имаше без резерва - рече Јелена еднаш и додаде дека луѓето имаат предрасуди за сè, па така било и во нивниот случај.

- Предрасудите секогаш постојат, на луѓето не им треба посебна причина. Разликата во возраста е вечна тема, не само во нашиот случај, иако е целосно нејасно зошто. Човечкото суштество се определува според возраста исто колку и по улицата во која живее. Се сака човек, а не број. Се сака душата, а таа нема возраст. Оние за кои возраста е важна, зборуваат за себе и за своите стравови, ограничувања. Името на Слободан исто така вели дека тој е - слободен, а јас сум личност без предрасуди, слободна и неоптоварена од наметнати „норми“ и „правила“ - истакна Јелена.