Најромантичниот пар на естрадата: Татјана и Новица го користат секој момент да покажат дека љубовта е сè и над сè

Добивај вести на Viber

Еден од најзаљубените и најромантичните парови, не само на македонската, туку воопшто на музичката сцена, секако се Татјана Лазаревска и Новица Василевски кои живеат во Мелбурн.

По пет години откако се преселија во Австралија, Татјана и Новица со синовите Стефан и Петар се среќни што живеат во сопствен дом, во кој се вселија на почетокот на оваа година.

Фолк-двојката, го користат секој можен момент да покажат дека љубовта и среќата се сè и над сè. И, скоро секогаш, ги споделуваат тие моменти со своите пријатели, роднини, колеги… преку социјалните мрежи.

Така пред некој ден беа на пикник во природа, и направија нова заљубена фотка. 

„Убаво е чувството кога знаеш дека за се' во животот имаш на кого да се потпреш“, напиша Татјана во описот на оваа фотографија.

Очигледно нивната љубов со текот на годините станува се' посилна, за тоа сведочат и бројните фотографии на кои тие двајцата изгледаат едноставно пресреќни.